مجھ کو سردی میں بھی آتے ہیں پسینے کیسے
مجھ کو ہائے یاد کیا میرے نبیؐ نے کیسے
Mujh ko sardi mein bhi aate hain pasine kaise
Mujh ko haaye yaad kiya mere Nabi ﷺ ne kaise
چپکے چپکے جو انہیں یاد کیا کرتے ہیں
جانے ہوتے ہیں وہ دل اور وہ سینے کیسے
Chupke chupke jo unhein yaad kiya karte hain
Jaane hote hain woh dil aur woh sine kaise
کیسے اُٹھتے ہیں قدم اُن کے حِرا کی جانب
دوڑے جاتے ہیں مسافر یہ مدینے کیسے
Kaise ut'te hain qadam un ke Hira ki jaanib
Dorhe jaate hain musafir ye Madine kaise
جھُوم اُٹھی ہے فرشتوں کے پروں کی خوشبو
اُن کی چوکھٹ کا لیا بوسہ کسی نے کیسے
Jhoom uthi hai farishton ke paron ki khushbu
Un ki chaukhat ka liya bosa kisi ne kaise
جن کو دیتے ہیں پناہیں وہ مدینے والے
جانے ہوتے ہیں وہ خوش بخت سفینے کیسے
Jin ko dete hain panahen woh Madine wale
Jaane hote hain woh khush bakht safeene kaise
میں بھی ہو آیا ہوں اِک بار وہاں سے انجؔم
مجھ کو چاہا تھا غنی ابنِ غنی نے کیسے
Main bhi ho aaya hoon ik baar wahan se Anjum
Mujh ko chaha tha Ghani ibn Ghani ne kaise
Share This Naat
Share with friends and family
مجھ کو سردی میں بھی آتے ہیں پسینے کیسے
انجم نیازی