مجھ کو اللہ سے محبَّت ہے
یہ اُسی کی عطا و رحمت ہے
mujh ko Allah se muhabbat hai
ye usi ki ata o rehmat hai
جس کو سرکار سے محبَّت ہے
اُس کی بخشش کی یہ ضَمانت ہے
jis ko sarkar se muhabbat hai
us ki bakhshish ki ye zamant hai
دل میں قراٰں کی میرے عظمت ہے
اور پیاری ہر ایک سنّت ہے
dil mein Quraan ki mere azmat hai
aur pyari har aik sunnat hai
سب سے اچھی نبی کی سیرت ہے
چاند سے بھی حسین صورت ہے
sab se achi Nabi ki seerat hai
chaand se bhi haseen surat hai
مل گئی مجھ کو تیری نسبت ہے
یہ شَرَف ہے بڑی سعادت ہے
mil gayi mujh ko teri nisbat hai
ye sharaf hai bari sa'adat hai
آل و اصحاب سے محبَّت ہے
اور سب اولیا سے اُلفت ہے
Aal o as'hab se muhabbat hai
aur sab Auliya se ulfat hai
یہ سب اللہ کی عنایت ہے
مل گئی مصطَفٰے کی امّت ہے
ye sab Allah ki inayat hai
mil gayi Mustafaa ki ummat hai
غوث و خواجہ کی دل میں اُلفت ہے
قلب میں عشقِ اعلیٰ حضرت ہے
ghous o Khawaja ki dil mein ulfat hai
qalb mein ishq-e-Aala Hazrat hai
مرحبا ! اپنی خوب قسمت ہے
پیرو مرشد کی دل میں چاہت ہے
marhaba! apni khoob qismat hai
peer o murshid ki dil mein chaahat hai
عاشقانِ نبی سے الفت ہے
دشمنانِ نبی سے نفرت ہے
aashiqan-e-Nabi se ulfat hai
dushmanan-e-Nabi se nafrat hai
ہائے دنیا کی دل میں چاہت ہے
نفس کی یہ کھلی شرارت ہے
haaye duniya ki dil mein chahat hai
nafs ki ye khuli shararat hai
نہ طلبگارِ مال و دولت ہے
اس گدا کو کرم کی حاجت ہے
na talabgar-e-maal o daulat hai
is gada ko karam ki haajat hai
دو جہاں میں وُہی سلامت ہے
جس مسلماں پہ رب کی رَحمت ہے
do jahaan mein wohi salaamat hai
jis musalmaan pe Rab ki rehmat hai
یا نبی! پھنس گیا ہلاکت ہے
یہ گدا سائلِ شَفاعت ہے
ya Nabi! phans gaya halakat hai
ye gada saail-e-shafaat hai
حق سے اُمّیدِ عفوو رَحمت ہے
تیرے صدقے میں ملنی جنّت ہے
haq se ummeed-e-afv o rehmat hai
tere sadqe mein milni jannat hai
ایک عرصے سے دل میں رغبت ہے
سُوئے طیبہ چلوں یہ حسرت ہے
aik arse se dil mein raghbat hai
sooye Tayyaba chalun ye hasrat hai
ایک مدّت سے ہجرو فرقت ہے
کیا مدینے کی اب اجازت ہے؟
aik muddat se hijr o furqat hai
kya Madine ki ab ijaazat hai?
آہ! پلّے نہ کچھ تلاوت ہے
نہ دُرُودوں کی کوئی کثرت ہے
aah! palle na kuch tilawat hai
na duroodon ki koi kasrat hai
آہ! عصیاں کی خوب کثرت ہے
یا نبی! التجائے رحمت ہے
aah! isyaan ki khoob kasrat hai
ya Nabi! iltijaye rehmat hai
ایسی عصیاں کی پڑگئی لت ہے
پھر وُہی بعدِ توبہ حالت ہے
aisi isyaan ki par gayi lat hai
phir wohi ba'ad-e-tauba haalat hai
نیک بندوں پہ رب کی رحمت ہے
ہر گنہ باعثِ ہلاکت ہے
neik bandon pe Rab ki rehmat hai
har gunah bais-e-halakat hai
آگیا آہ! وقتِ رِحلت ہے
یہ گدا طالبِ زیارت ہے
aagaya aah! waqt-e-rihlat hai
ye gada talib-e-ziarat hai
آنکھ نم ہے نہ کچھ ندامت ہے
آہ! اعمال کی یہ شامت ہے
aankh nam hai na kuch nadamat hai
aah! aamaal ki ye shamat hai
موت سر پر ہے تجھ پہ حیرت ہے
جاگ کیوں مَحوِ خوابِ غفلت ہے
maut sar par hai tujh pe hairat hai
jaag kyun mahw-e-khwaab-e-ghaflat hai
تیری عطاّرؔ کیا حقیقت ہے
جو ہے سرکار کی بدولت ہے
teri Attar kya haqeeqat hai
jo hai sarkar ki badolat hai
Share This Naat
Share with friends and family
مجھ کو اللہ سے محبَّت ہے
الیاس عطار قادری