عزیزوں کی طرف سے جب مِرا دل ٹوٹ جاتا ہے
تِرا لطف و کرم بڑھ کر مِری ڈھارس بندھاتا ہے
Azizon ki taraf se jab mera dil toot jata hai
Tera lutf o karam barh kar meri dharas bandhta hai
نبی کے نور کا صدقہ خدایا جگمگا دینا
کرم! یارب! اندھیرا قبر کا مجھ کو ڈراتا ہے
Nabi ke noor ka sadaqa khudaya jagmaga dena
Karam! Yarb! Andhera qabr ka mujh ko darata hai
مُسَلسَل موت نزدیک آرہی ہے ،ہائے! بربادی
کرم! مولیٰ! گناہوں کا مَرَض بڑھتا ہی جاتا ہے
Musalsal maut nazdeek aarahi hai, haye! Barbadi
Karam! Maula! Gunahon ka maraz barhta hi jata hai
الٰہی! واسِطہ پیارے کا، میری مَغْفِرت فرما
عذابِ نار سے مجھ کو خدایا خوف آتا ہے
Elahi! Wasta pyare ka, meri maghfirat farma
Azaab-e-nar se mujh ko khudaya khauf aata hai
تِری سُنَّت پہ چلتا ہوں ،تو طعنے لوگ دیتے ہیں
شَہَنشاہِ مدینہ! نفس بھی بے حد ستاتا ہے
Teri sunnat pe chalta hoon, to taaney log dete hain
Shehenshah-e-Madina! nafs bhi be had satata hai
مُبارَک باد دیتے ہو مجھے،تم بھائیو حج کی
مدینہ چھوڑنے کا غم مجھے تو کھائے جاتا ہے
Mubarak bad dete ho mujhe, tum bhaiyo hajj ki
Madina chhodne ka gham mujhe to khaye jata hai
مَصَائب میں کبھی حَرفِ شِکایت لَب پہ مت لانا
وہ کر کے مُبتلا بندوں کو اپنے آزماتا ہے
Masaib mein kabhi harf-e-shikayat lab pe mat lana
Woh kar ke mubtala bandon ko apne aazmata hai
نئی اُمّید ملتی ہے، دِلِ مایوس کو پھر سے
مجھے شاہِ مدینہ! جب مدینہ یاد آتا ہے
Nayi umeed milti hai, dil-e-mayoos ko phir se
Mujhe Shah-e-Madina! jab Madina yaad aata hai
مُجھے لگتا ہے وہ میٹھا،مُجھے لگتا ہے وہ پیارا
عِمامہ سَر پہ، زُلفیں اور داڑھی جو سجاتا ہے
Mujhe lagta hai woh meetha, mujhe lagta hai woh pyara
Imama sar pe, zulfain aur darhi jo sajata hai
خدا ٹھنڈی کرے گا اُس کی آنکھیں حشر میں عطارؔ
یہاں جو سوزِ اُلفت میں جِگر اپنا جلاتا ہے
Khuda thandi karega us ki aankhein hashr mein Attar
Yahan jo soz-e-ulfat mein jigar apna jalata hai
Share This Naat
Share with friends and family
عزیزوں کی طرف سے جب مِرا دل ٹوٹ جاتا ہے
الیاس عطار قادری