مُحمَّد پہ صدقے زباں ہو رہی ہے
انھیں کی یہ بس مدح خواں ہو رہی ہے
Muhammad pe sadqe zabaan ho rahi hai
Inhein ki yeh bas madah khwaan ho rahi hai
مجھے کیا بُلاتا ہے کوئی مدینے
مرے دل میں گویا اذاں ہو رہی ہے
Mujhe kya bulaata hai koi madine
Mere dil mein goya azaan ho rahi hai
صبا آرہی ہے مدینے سے ہو کر
کہ قسمت مری مہرباں ہو رہی ہے
Saba aa rahi hai madine se ho kar
Ke qismat meri mehrbaan ho rahi hai
چلو دیدِ طیبہ سے تسکین پائیں
وہاں کی زمیں آسماں ہو رہی ہے
Chalo deed-e Tayyaba se taskeen paaein
Wahan ki zameen aasman ho rahi hai
مری آنکھ سے اشک جاری ہیں پیہم
مرے دل کی حالت عیاں ہو رہی ہے
Meri aankh se ashk jaari hain paiham
Mere dil ki haalat ayaan ho rahi hai
نہ نالے ہیں لب پر نہ آہیں نہ شیون
زباں آجکل بے زباں ہو رہی ہے
Na nalay hain lab par na aahein na shaiwan
Zabaan aajkal be zabaan ho rahi hai
مجھے اس کا بہزاؔد رونا ہے ہر دم
مری زندگی رائیگاں ہو رہی ہے
Mujhe us ka Behzad rona hai har dam
Meri zindagi raigaan ho rahi hai
Share This Naat
Share with friends and family
مُحمَّد پہ صدقے زباں ہو رہی ہے
بہزاد لکھنوی