محبتِ رسول میرے من کی میت ہو گئی
مقیم قلب و جاں میں مصطفیٰ کی پیت ہو گئی
muhabbat-e-Rasool mere man ki meet ho gayi
muqeem qalb o jaan mein Mustafa ki peet ho gayi
حصار میں لیا ہوا تھا معصیت نے روح کو
کریم نے کرم کیا ہماری جیت ہو گئی
hisaar mein liya hua tha masiat ne rooh ko
Kareem ne karam kiya hamari jeet ho gayi
ڈرا رہا تھا میرا ضعف مجھ کو پل صراط سے
مؤدتِ حبیبِ کبریا مقیت ہو گئی
dara raha tha mera zuaf mujh ko pul-e-sraat se
mohabbat-e-Habib-e-kibriya muqit ho gayi
معاف ہوں گی عاصیوں کی سب خطائیں حشر میں
خدا و مصطفیٰ کے بیچ بات چیت ہو گئی
maaf hongi aasiyo ki sab khataain hashr mein
Khuda o Mustafa ke beech baat cheet ho gayi
دھڑک دھڑک کی بے سری صدا حضور کے سبب
درود اور سلام کا حسین گیت ہو گئی
dharak dharak ki be-suri sada Huzoor ke sabab
darood aur salaam ka haseen geet ho gayi
گناہ گار جل رہے تھے معصیت کی دھوپ میں
کہ سائباں شفیعِ مذنبیں کی بھیت ہو گئی
gunahgaar jal rahe thay masiat ki dhoop mein
keh saiban Shafi-e-muznibeen ki bheet ho gayi
صفیں بنا کے صبح و شام بارگاہِ ناز میں
درود بھیجنا ملائکہ کی ریت ہو گئی
safain bana ke subah o shaam bargah-e-naaz mein
darood bhejna malaika ki reet ho gayi
ہوا دیارِ مصطفیٰ کی چاندنی سے سامنا
اماوسوں کے کارزار سے پچھیت ہو گئی
hua dayaar-e-Mustafa ki chaandni se saamna
amausoon ke karzaar se pujhit ho gayi
Share This Naat
Share with friends and family
محبتِ رسول میرے من کی میت ہو گئی
اشفاق احمد غوری