مُعْطِیِ مطلب تمہارا ہر اِشارہ ہوگیا
جب اِشارہ ہوگیا مطلب ہمارا ہوگیا
Mu'ti-e matlab tumhara har ishara hogaya
Jab ishara hogaya matlab hamara hogaya
ڈوبتوں کا یانبی کہتے ہی بیڑا پار تھا
غم کنارے ہوگئے پیدا کنارا ہوگیا
Doobato ka ya nabi kehte hi bera paar tha
Gham kinare hogaye paida kanara hogaya
تیری طلعت سے زمیں کے ذرّے مَہ پارے بنے
تیری ہیبت سے فلک کا مَہ دو پارا ہوگیا
Teri talat se zameen ke zarr-e mah paare bane
Teri haibat se falak ka mah do paara hogaya
اللہ اللہ محو حسن رُوئے جاناں کے نصیب
بند کرلیں جس گھڑی آنکھیں نظارہ ہوگیا
Allah Allah mahv e husn roo-e jaana ke naseeb
Band karlein jis ghari aankhein nazara hogaya
یوں تو سب پیدا ہوئے ہیں آپ ہی کے واسطے
قسمت اُس کی ہے جسے کہہ دو ہمارا ہوگیا
Yun to sab paida hue hain aap hi ke wastay
Qismat uski hai jise keh do hamara hogaya
تِیرگی باطل کی چھائی تھی جہاں تاریک تھا
اُٹھ گیا پردہ ترا حق آشکارا ہوگیا
Tirg-i baatil ki chhai thi jahan tareek tha
Uth gaya parda tera haq aashkara hogaya
کیوں نہ دم دیں مرنے والے مرگِ عشقِ پاک پر
جان دی اور زندگانی کا سہارا ہوگیا
Kyun na dam dein marne wale marg-e ishq-e paak par
Jaan di aur zindgani ka sahara hogaya
نام تیرا ذکر تیرا تو ترا پیارا خیال
ناتوانوں بے سہاروں کا سہارا ہوگیا
Naam tera zikr tera to tera pyara khayal
Naatvano be saharo ka sahara hogaya
ذرۂ کوئے حبیب اللہ رے تیرے نصیب
پاؤں پڑ کر عرش کی آنکھوں کا تارا ہوگیا
Zarra-e kooye Habib Allah re tere naseeb
Paon pad kar arsh ki aankhon ka tara hogaya
ترے صانِع سے کوئی پوچھے ترا حسن و جمال
خود بنایا اور بنا کر خود ہی پیارا ہوگیا
Tere saani se koi poochhay tera husn-o-jamal
Khud banaya aur banakar khud hi pyara hogaya
ہم کمینوں کا انہیں آرام تھا اتنا پسند
غم خوشی سے دُکھ تہ دل سے گوارا ہوگیا
Hum kameeno ka unhein aaram tha itna pasand
Gham khushi se dukh teh dil se gawara hogaya
کیوں نہ ہو تم مالک مُلکِ خدا مِلکِ خدا
سب تمہارا ہے خدا ہی جب تمہارا ہوگیا
Kyun na ho tum malik mulk-e Khuda milk-e Khuda
Sab tumhara hai Khuda hi jab tumhara hogaya
روزِ محشر کے اَلم کا دشمنوں کو خوف ہو
دُکھ ہمارا آپ کو کس دِن گوارا ہوگیا
Roz-e Mahshar ke alam ka dushmanon ko khauf ho
Dukh hamara aap ko kis din gawara hogaya
جو اَزَل میں تھی وہی طلعت وہی تنویر ہے
آئینہ سے یہ ہوا جلوہ دوبارا ہوگیا
Jo azal mein thi wahi talat wahi tanveer hai
Aina se yeh hua jalwa dobara hogaya
تو ہی نے تو مصر میں یوسف کو یوسف کردیا
تو ہی تو یعقوب کی آنکھوں کا تارا ہوگیا
Tu hi ne to misr mein Yousuf ko Yousuf kardiya
Tu hi to Yaqoob ki aankhon ka tara hogaya
ہم بھکاری کیا ہماری بھیک کس گنتی میں ہے
تیرے در سے بادشاہوں کا گزارا ہوگیا
Hum bhikari kya hamari bheek kis ginti mein hai
Tere dar se badshahon ka guzara hogaya
اے حسن ؔقربان جاؤں اس جمالِ پاک پر
سینکڑوں پردوں میں رہ کر عالم آرا ہوگیا
Ae Hasan qurban jaun is jamal-e paak par
Sainkron pardon mein reh kar alam ara hogaya
Share This Naat
Share with friends and family
مُعْطِیِ مطلب تمہارا ہر اِشارہ ہوگیا
حسن رضا خان