مولائے کل فخر رُسل خیر الوریٰ میرا نبی
شمس الضحی بدر الدجی نور الہدی میرا نبی
Mola-e-kul fakhr rusul khair al-wara mera Nabi
Shams-ud-duha badr ad-daja noor al-huda mera Nabi
آئے نبی ظلمت چھٹی چھائی بہر سو روشنی
ارض و سما صبح و مسا سب کی ضیا میرا نبی
Aaye Nabi zulmat chhuti chhayi beher so roshni
Arz o sama subah o masa sab ki diya mera Nabi
فرش زمیں عرش بریں ان سا کہیں دیکھا نہیں
جان کرم آن حرم شانِ عطا میرا نبی
Farsh zameen arsh bareen un sa kahin dekha nahi
Jaan karam aan haram shan-e-ata mera Nabi
جب بھی لیا نام نبی جھولی بھری مشکل ٹلی
حاجت روا میرا نبی مشکل کشا میرا نبی
Jab bhi liya naam Nabi jholi bhari mushkil tali
Hajatrava mera Nabi mushkil kusha mera Nabi
دیکھو کرم لج پال کے ہر ایک کے کاسے بھرے
ملجا مرا ماوی مرا داتا مرا میرا نبی
Dekho karam lajpal ke har aik ke kase bhare
Malja mera mawa mera data mera mera Nabi
فکر جہاں کیوں ہو مجھے عقبی کا غم کیسے رہے
مجھ پر کرے لطف و عطا میرا خدا میرا نبی
Fikr jahan kyun ho mujhe uqba ka gham kaise rahe
Mujh par kare lutf o ata mera khuda mera Nabi
مجھ کو کریم ایسا ملا چاہے سدا میرا بھلا
سب سے الگ سب سے وری سب سے جدا میرا نبی
Mujh ko Kareem aisa mila chahe sada mera bhala
Sab se alag sab se wari sab se juda mera Nabi
شاہ امم خیر البشر سب کی خبر سب پر نظر
دونوں جہاں اس کو ملے جس کو ملا میرا نبی
Shah umam khair al-bashar sab ki khabar sab par nazar
Dono jahan us ko mile jis ko mila mera Nabi
جو مصطفے پر مر مٹے باب کرم اُن پر کھلے
راضی ہوا میرا خدا راضی ہوا میرا نبی
Jo Mustafa par mar mite bab-e-karam un par khule
Razi hua mera khuda razi hua mera Nabi
کیسی حسیں وہ رات تھی وہ بات کیسی بات تھی
معراج کی شب جس گھڑی دولہا بنا میرا نبی
Kaisi haseen wo raat thi wo baat kaisi baat thi
Me'raj ki shab jis ghari dulha bana mera Nabi
میری طلب سے بھی سوا مجھ کو نیازی مل گیا
کان عطا میرا نبی بحر سخا میرا نبی
Meri talab se bhi sawa mujh ko Niazi mil gaya
Kaan atta mera Nabi bahr sakha mera Nabi
Share This Naat
Share with friends and family
مولائے کل فخر رُسل خیر الوریٰ میرا نبی
عبدالستار نیازی