ملیں دین و دنیا کی نعمتیں مجھے کیا نہ میرے خدا دیا
مجھے دی غلامی اولیاء مجھے عشق خیر الوریٰ دیا
Milain deen o duniya ki naimatain mujhe kya na mere Khuda diya
Mujhe di ghulami awliya mujhe ishq Khair ul Wura diya
ترا نام سن کے مچل گئے ترا نام لے کے سنبھل گئے
میرے لمحے کیف میں ڈھل گئے ترے ذکر نے وہ مزہ دیا
Tera naam sun ke machal gaye tera naam le ke sanbhal gaye
Mere lamhay kaif mein dhal gaye tere zikar ne wo maza diya
کبھی خواب میں تری دید ہو تری دید ہو میری عید ہو
دے مجھے بھی جلووں کی بھیک دے ترے در پہ دامن بچھا دیا
Kabhi khwab mein teri deed ho teri deed ho meri Eid ho
De mujhe bhi jalwo ki bheek de tere dar pe daaman bicha diya
ترے میکدے میں قرار ہے جہاں بن پئے ہی خمار ہے
نہ اتر سکا نہ اتر سکے ترے نام نے وہ نشہ دیا
Tere maikade mein qarar hai jahan bin piye hi khumar hai
Na utar saka na utar sake tere naam ne wo nasha diya
شب غم کے رنگ نکھر گئے مرے بگڑے کاج سنور گئے
مری چاہتوں میرے پیار کا یہ میرے نبی نے صلہ دیا
Shab e gham ke rang nikhar gaye mere bigde kaaj sanwar gaye
Meri chahatun mere pyar ka yeh mere Nabi ne sila diya
اُٹھے لاکھ طوفان بحر و بر کبھی آندھیوں نے اٹھائے سر
اُسے کوئی بھی نہ بجھا سکا جو دیا نبی نے جلا دیا
Uthe laakh toofan e bahr o barr kabhi aandhiyon ne uthaye sar
Use koi bhi na bujha saka jo diya Nabi ne jala diya
میرے دل میں یاد حضور ہے میرا دل خزنیہ نور ہے
اسی نور حسن حضور نے مرا دل مدینہ بنا دیا
Mere dil mein yaad e Huzoor hai mera dil khazeniya noor hai
Isi noor e husn e Huzoor ne mera dil Madina bana diya
مری حسرتوں کا چمن کھلا دل مضطرب کو سکوں ملا
سر بزم میرے حضور نے جو جمال اپنا دکھا دیا
Meri hasraton ka chaman khila dil muztrib ko sakoon mila
Sar bazm mere Huzoor ne jo jamal apna dikha diya
ہے ازل سے میری یہ آرزو ہو دل نیازی میں تو ہی تو
رہے میرے سجدوں کی آبرو ترے در پہ سر کو جھکا دیا
Hai azal se meri yeh aarzoo ho dil Niazi mein tu hi tu
Rahe mere sajdon ki aabroo tere dar pe sar ko jhuka diya
Share This Naat
Share with friends and family
ملیں دین و دنیا کی نعمتیں مجھے کیا نہ میرے خدا دیا
عبدالستار نیازی