سرکار کی نگاہ بھی کیا لا جواب ہے
جس پر بھی پڑ گئی ہے وہ عزت مآب ہے
Sarkar ki nigah bhi kya la jawab hai
Jis par bhi par gayi hai woh izzat maab hai
ہرایک لفظ جس کا مکمل کتاب ہے
وہ بے مثال ذاتِ رسالت مآب ہے
Haraik lafz jis ka mukammal kitaab hai
Woh be misaal zaat-e-risalat maab hai
خوشبو سے جس کی تارِ نفس فیضیاب ہے
وہ آمنہ کا لال شگفتہ گلاب ہے
Khushboo se jis ki taar-e-nafas faizyab hai
Woh Aaminah ka laal shagufta gulaab hai
دل کی ہے آرزو یہی آنکھوں کا خواب ہے
کب دیکھئے نصیب میں رحمت کا باب ہے
Dil ki hai aarzu yehi aankhon ka khwaab hai
Kab dekhiye naseeb mein rehmat ka baab hai
گستاخِ مصطفےٰ میں عجب اضطراب ہے
میری زباں پہ ذکرِ رسالت مآب ہے
Gustaakh-e-Mustafa mein ajab izteraab hai
Meri zabaan pe zikr-e-risalat maab hai
یوسف کا حسن کھائے قسم جس کے حسن کی
وہ بے مثال حسنِ رسالت مآب ہے
Yusuf ka husn khaye kasam jis ke husn ki
Woh be misaal husn-e-risalat maab hai
اک اک عمل ہے حکمِ خدا میں ڈھلا ہوا
ذاتِ نبی خدا کی مکمل کتاب ہے
Ek ek amal hai hukm-e-Khuda mein dhala hua
Zaat-e-Nabi Khuda ki mukammal kitaab hai
ہوجائے شیریں کھاری کنواں، زخم ٹھیک ہوں
کیا خوب مصطفےٰ کے دہن کا لعاب ہے
Hojaaye sheereen khaari kunwan, zakham theek hon
Kya khoob Mustafa ke dahan ka luaab hai
اس دن خدا دکھائے گا شانِ محمدی
جس دن کا نام یومِ حساب و کتاب ہے
Us din Khuda dikhaaye ga shaan-e-Muhammadi
Jis din ka naam Youm-e-Hisaab o Kitaab hai
ذاتِ نبی پہ چون و چرا کی نہیں مجال
ذاتِ نبی بھی گویا خدا کی کتاب ہے
Zaat-e-Nabi pe chu-o-chara ki nahi majaal
Zaat-e-Nabi bhi goya Khuda ki kitaab hai
جو ذات علم و فضل کا مصدر ہے اے شفیق ؔ
امی لقب وہ ذاتِ رسالت مآب ہے
Jo zaat ilm-o-fazl ka masdar hai ae Shafiq
Umi laqab woh zaat-e-risalat maab hai
Share This Naat
Share with friends and family
سرکار کی نگاہ بھی کیا لا جواب ہے
شفیق ؔ رائے پوری