مِل جاوے جے چج حضوروں
ازلی نور دی جھلک وکھاواں
Mil jaave je chaj Huzooron
Azli noor di jhalak vakhaavaan
اپنی کل توں چانن لے کے
بھلک دے متّھے نوں لشکاواں
Apni kal ton chaanan le ke
Bhallak de mathe no lashkaavaan
گاون ملک ترانے اوہدے
خدمت گار زمانے اوہدے
Gaaun malik taraane ohde
Khidmat gaar zamaane ohde
چاکر اوہدے چن تے سورج
نوکر اہدیاں دُھپّاں چھاواں
Chaakar ohde chan te sooraj
Nokar ahdiyaan dhuppaan chaavaan
ہر مسلے دا اُس حل دسیا
سبھ نوں جیون دا ول دسیا
Har masle da us hal dasiya
Sab nu jeevan da wal dasiya
اوہدے حکماں اُتّے چل کے
مَیں آدم دا مان ودھاواں
Ohde hukman utte chal ke
Main Adam da maan vadhaavaan
پُھل کِھڑے نیں خُلق نبیؐ دے
آسے پاسے چار چو فیرے
Phul khirre ne khulq Nabi (SAW) de
Aase paase chaar cho fere
اپنے سُنّجے ویہڑے نوں مَیں
کیوں نہ فِر گلزار بناواں
Apne sunjhe vehde nu main
Kyun na fir gulzaar banaavaan
حق سچ والے امبراں اُتّے
جگ مگ کردے قول اوسے دے
Haq sach vaale ambraan utte
Jag mag karde qoul ose de
عدل و انصاف دی دُنیا اندر
سبھ توں اُچّا اوہدا ناواں
Adal o insaaf di duniya andar
Sab ton uchcha ohda naawaan
ذکر اوہدا جند جان اے میری
ایہو جان پچھان اے میری
Zikr ohda jind jaan ae meri
Eho jaan pachhaan ae meri
ایہودُعا اے تائبؔ جگ توں
ذکر ایہو ای کردا جاواں
Eho dua ae Taib jag ton
Zikr eho e karda jaavaan
Share This Naat
Share with friends and family
مِل جاوے جے چج حضوروں
حفیظ تائب