مِرے سرکار کی مدحت مِرے سرکار کی باتیں
کلام اللہ میں ہیں احمدِ مختار کی باتیں
Mire Sarkar ki madhat mire Sarkar ki baatein
Kalam Allah mein hain Ahmed-e-Mukhtar ki baatein
شفاعت کی ہیں ضامن سیدِ ابرار کی باتیں
لبِ دل پر سجا لو احمدِ مختار کی باتیں
Shafa'at ki hain zamin Sayed-e-Abrar ki baatein
Lab-e-dil par saja lo Ahmed-e-Mukhtar ki baatein
ارے ناداں ! مِرے آقا ہیں علمِ غیب کے حامل
تجھے معلوم ہی کیا ہے، نہ کر بیکار کی باتیں
Aray nadan! Mire Aaqa hain ilm-e-ghaib ke haamil
Tujhe maloom hi kya hai, na kar bekaar ki baatein
وہی ہے معتبر لمحہ وہی پل بیش قیمت ہے
ہوا کرتی ہیں جس میں احمدِ مختار کی باتیں
Wohi hai moteber lamha wohi pal baish qeemat hai
Hua karti hain jis mein Ahmed-e-Mukhtar ki baatein
اگر تم چاہتے ہو دل کا گوشہ گوشہ روشن ہو
کرو پھر مصطفےٰ کے ذرہٗ پیزار کی باتیں
Agar tum chahte ho dil ka goshah goshah roshan ho
Karo phir Mustafa ke zarah-e-peyzar ki baatein
تصور گنبدِ خضرا کا لے کر بیٹھ جاتا ہوں
نبی سے من ہی من کرتاہوں میں دیدارکی باتیں
Tasawur gumbad-e-Khizra ka le kar baith jata hoon
Nabi se man hi man kartahun mein deedaar ki baatein
شفیقؔ اپنے لئے ہے دولتِ عشق نبی کافی
نہیں کرتے کبھی ہم درہم و دینار کی باتیں
Shafiq apne liye hai dolat-e-ishq Nabi kaafi
Nahin karte kabhi hum darham o dinar ki baatein
Share This Naat
Share with friends and family
مِرے سرکار کی مدحت مِرے سرکار کی باتیں
شفیق ؔ رائے پوری