دولت تھی مِرے پاس نہ مایہ مِرے گھر میں
آقاؐ نے بلایا ہے مجھے اپنے نگر میں
Daulat thi mire paas na maaya mire ghar mein
Aqa ne bulaya hai mujhe apne nagar mein
ہے اسمِ محمدؐ کے اُجالوں کا تصدق
رہتا ہے ہمیشہ ہی اجالا مِرے گھر میں
Hai ism-e-Muhammad ke ujalo ka tasadduq
Rahta hai hamesha hi ujala mire ghar mein
کچھ ہار درودوں کے تو کچھ اشکِ ندامت
کیا خوب اثاثہ ہے مِرے زادِ سفر میں
Kuch haar duroodo ke to kuch ashq-e-nadamat
Kiya khoob asasa hai mire zad-e-safar mein
ہے عرشِ معلٰی سے بھی آگے تری منزل
یہ چاند ستارے ہیں تِری گرد سفر میں
Hai arsh-e-mualla se bhi aage teri manzil
Yeh chand sitare hain teri gurd safar mein
اپنا تو وظیفہ ہے ترے نام کی مالا
رہتا ہے زباں پر یہ مِری شام و سحر میں
Apna to wazifah hai tere naam ki mala
Rahta hai zuban par yeh meri shaam-o-sehar mein
رہتی ہے جلیل اب یہ دعا میرے لبوں پر
یہ عمر گزر جائے مدینے کے سفر میں
Rahti hai Jalil ab yeh dua mere labon par
Yeh umr guzar jaye madine ke safar mein
Share This Naat
Share with friends and family
دولت تھی مِرے پاس نہ مایہ
حافظ عبدالجلیل