میرے دل میں ہے آقا ! قیام آپ کا
تذکرہ ہے لبوں پر مدام آپ کا
Mere dil me hai aaqa ! qiyam aap ka
Tazkara hai labon par madam aap ka
اپنی خواہش سے آقا نہیں بولتے
ہے وحیِ اِلٰہی کلام آپ کا
Apni khwahish se aaqa nahi boltay
Hai wahi-e-ilahi kalam aap ka
پیشِ خدمت کروں گا میں در پر شہا !
آنسوؤں سے لکھا ہے سلام آپ کا
Pesh-e-khidmat karun ga main dar par shahaa !
Ansuon se likha hai salam aap ka
جو حِرا سے اُتر کر دیا آپ نے
ساری دُنیا کو پہنچا پیام آپ کا
Jo hira se utar kar diya aap ne
Saari duniya ko pohonha payaam aap ka
خود خُدا بھیجتا ہے درود آپ پر
اِتنا اُونچا ہے آقا ! مقام آپ کا
Khud Khuda bhejta hai darood aap par
Itna ooncha hai aaqa ! maqam aap ka
اِس کے حق میں شفاعت جو ہو آپْ کی
بخشا جائے گا آقا ! غُلام آپ کا
Is ke haq me shafaat jo ho aap ki
Bakhsha jayega aaqa ! ghulam aap ka
اِس زمیں پر ہی چرچا نہیں ہے فقط
گُونجتا ہے فلک پر بھی نام آپ کا
Is zameen par hi charcha nahi hai fuqut
Goonjta hai falak par bhi naam aap ka
تذکرہ ہر جگہ ، ہر زماں ، ہر گھڑی
ہر زباں پر ہے خیرُالانام آپ کا
Tazkara har jagah, har zaman, har ghrdi
Har zuban par hai khair-ul-anaam aap ka
ہو جلیلِ حزیں پر بھی چشمِ کرم
یہ گُنہ گار ، بھی ہے غُلام آپ کا
Ho Jaleel-e-Hazeen par bhi chashm-e-karam
Ye gunahgaar, bhi hai ghulam aap ka
Share This Naat
Share with friends and family
میرے دل میں ہے آقا ! قیام آپ کا
حافظ عبدالجلیل