میرے دل کی دھڑکنوں سے گفتگو کرتے ہیں آپؐ
مجھ کو میری خلوتوں میں قبلہ رُو کرتے ہیں آپؐ
Mere dil ki dhadkano se guftagu karte hain aap صلی اللہ علیہ وآلہ وسلم
Mujh ko meri khalwaton mein qibla ru karte hain aap صلی اللہ علیہ وآلہ وسلم
میں بھٹک جاتا ہوں جب رستوں کی اُڑتی دھول میں
کتنی ہمدردی سے میری جستجو کرتے ہیں آپؐ
Main bhatak jata hoon jab raston ki urti dhool mein
Kitni hamdardi se meri justuju karte hain aap صلی اللہ علیہ وآلہ وسلم
میرے سر پر دستِ شفقت پھیرتے ہیں پیار سے
میری ہر اچھی دعا کو با وضو کرتے ہیں آپؐ
Mere sar par dast-e-shafqat pherta hain piyar se
Meri har achhi dua ko ba wazu karte hain aap صلی اللہ علیہ وآلہ وسلم
اپنے لفظوں سے عطا کرتے ہیں اُن کو نغمگی
میرے جیسے شاعروں کو خوش گُلو کرتے ہیں آپؐ
Apne lafzon se ata karte hain un ko naghmagi
Mere jaise shairon ko khush gulu karte hain aap صلی اللہ علیہ وآلہ وسلم
کوئی رستہ بھولنے پائے نہ شہرِ نُور کا
روشنی سارے جہاں میں کُو بہ کُو کرتے ہیں آپؐ
Koi rasta bhoolne paye na shehr-e-noor ka
Roshni saare jahan mein ku ba ku karte hain aap صلی اللہ علیہ وآلہ وسلم
جب بھیانک موت آتی ہے ڈرانے کے لیے
مجھ کو میری زندگی کے رُوبرو کرتے ہیں آپؐ
Jab bhayanak maut aati hai darane ke liye
Mujh ko meri zindagi ke ru ba ru karte hain aap صلی اللہ علیہ وآلہ وسلم
Share This Naat
Share with friends and family
میرے دل کی دھڑکنوں سے گفتگو کرتے ہیں آپؐ
انجم نیازی