میری خوش بختی کے آثار نظر آتے ہیں
سامنے آنکھوں کے سرکار نظر آتے ہیں
meri khush bakhti ke aasaar nazar aate hain
samne aankhon ke sarkar nazar aate hain
جامِ صدیقؓ ہے لبریز مئے کوثر سے
عالمِ وجد میں مے خوار نظر آتے ہیں
jaam-e-Siddiq (R.A) hai labrez mai kosar se
aalam-e-wajd mein mai khuwar nazar aate hain
کس کی مدہوش نگاہوں کا ہے اعجاز یہاں
رقص کرتے در و دیوار نظر آتے ہیں
kis ki madhosh nigahon ka hai ejaaz yahan
raqs karte dar o deewar nazar aate hain
جس پہ پڑ جائے کسی مردِ قلندر کی نظر
اس کو سب فلسفے بے کار نظر آتے ہیں
jis pe par jaye kisi mard-e-Qalandar ki nazar
usko sab falsafe bekaar nazar aate hain
حق پرستوں کے لہو سے یہ صدا آتی ہے
اہلِ ایمان سرَ دار نظر آتے ہیں
haq paraston ke lahu se yeh sada aati hai
ahl-e-imaan sar-e-daar nazar aate hain
جب سے آیا ہے ظہوریؔ ترے مے خانے میں
دشت بھی اب مجھے گلزار نظر آتے ہیں
jab se aaya hai Zahoori tere mai khane mein
dasht bhi ab mujhe gulzar nazar aate hain
Share This Naat
Share with friends and family
میری خوش بختی کے آثار نظر آتے ہیں
محمد علی ظہوری