کبھی تو قافلہ اپنا رواں سُوئے حرم ہو گا
بڑی اُمید ہے آقا! کرم ہو گا کرم ہو گا
Kabhi to qafila apna rawaan soo e haram ho ga
Bari umeed hai aaqa! karam ho ga karam ho ga
تِرے در کی حضوری ہے وسیلہ اُن کی بخشش کا
جنھوں نے اپنی جانوں پر کیا ظلم و ستم ہو گا
Tire dar ki hazoori hai wasila un ki bakhshish ka
Jinhon ne apni jaano par kiya zulm o sitam ho ga
حفاظت اُن کے ایماں کی یقینا پھر مسلّم ہے
کہ ضامن جن کے ایماں کا مدینے کا حرم ہو گا
Hifazat un ke eemaan ki yaqeenan phir musallam hai
Ke zaamin jin ke eemaan ka madine ka haram ho ga
سجے گی اُس پہ دستارِ فضیلت علم و عرفاں کی
کہ جو سر بھی ‘ مِرے آقا ! تِری چوکھٹ پہ خم ہو گا
Saje gi us pe dastar e fazilat ilm o arfan ki
Ke jo sar bhi 'mire aaqa ! tire chaukhat pe kham ho ga
بڑی خواہش ہے عاصی کی ‘ مِری سرکار ! اُس لمحے
تِرا دیدار ہو جائے کہ جب پُتلی میں دم ہو گا
Bari khwahish hai aasi ki 'mire sarkar ! us lamhe
Tira deedar ho jaye ke jab putli mein dam ho ga
تِری نعلین کے صدقے نوازا ہے ِمرے رب نے
فقیرِ بے نوا پر اور کیا لطف و کرم ہو گا
Tiri na'lein ke sadqe nawaza hai 'mire Rab ne
Faqir e be nava par aur kya lutf o karam ho ga
اُٹھے گا سُرخرو ہو کر وہی میدانِ محشر میں
کہ جس کے ہاتھ میں تیری غلامی کا علَم ہو گا
Uthe ga surrukhru ho kar wahi maidan e mahshar mein
Ke jis ke haath mein tiri ghulami ka alam ho ga
سگانِ کوچہء سرکار کی صف میں ‘ جلیل ! آخر
کبھی تو نام اپنا بھی رقم ہو گا ‘ رقم ہوگا
Sagaan e koocha e sarkar ki saf mein, Jaleel ! aakhir
Kabhi to naam apna bhi raqam ho ga 'raqam ho ga
Share This Naat
Share with friends and family
کبھی تو قافلہ اپنا رواں سُوئے حرم ہو گا
حافظ عبدالجلیل