کچھ غم نہیں اگرچہ زمانہ ہو بر خلاف
اُن کی مدد رہے تو کرے کیا اَثر خلاف
Kuch gham nahiin agarchah zamana ho bir khilaf
Un ki madad rahe to kare kya asar khilaf
اُن کا عدو اَسیرِ بلائے نفاق ہے
اس کی زبان و دل میں رہے عمر بھر خلاف
Un ka adu aseer-e-bala-e-nifaq hai
Is ki zuban o dil mein rahe umr bhar khilaf
کرتا ہے ذکرِ پاک سے نجدی مخالفت
کم بخت بد نصیب کی قسمت ہے برخلاف
Karta hai zikr-e-pak se najdi mukhalfat
Kambakht bad naseeb ki qismat hai barkhilaf
اُن کی وَجاہتوں میں کمی ہو محال ہے
بالفرض اِک زمانہ ہو اُن سے اگر خلاف
Un ki wajahatun mein kami ho mahal hai
Balfarz ik zamana ho un se agar khilaf
اُٹھوں جو خوابِ مرگ سے آئے شمیم یار
یارب نہ صبح حشر ہو بادِ سحر خلاف
Uthun jo khwab-e-marg se aaye shameem yaar
Yarab na sobh hashr ho bad-e-sehar khilaf
قربان جاؤں رحمت عاجز نواز پر
ہوتی نہیں غریب سے اُن کی نظر خلاف
Qurban ja'un rehmat aajiz nawaz par
Hoti nahiin gareeb se un ki nazar khilaf
شان کرم کسی سے عوض چاہتی نہیں
لاکھ اِمتثالِ اَمر میں دِل ہو اِدھر خلاف
Shaan karam kisi se ival chahte nahiin
Lakh imtisaal-e-amr mein dil ho idhar khilaf
کیا رحمتیں ہیں لطف میں پھر بھی کمی نہیں
کرتے رہے ہیں حکم سے ہم عمر بھر خلاف
Kya rahmatein hain lutf mein phir bhi kami nahiin
Karte rahe hain hukum se hum umr bhar khilaf
تعمیلِ حکمِ حق کا حسنؔ ہے اگر خیال
ارشادِ پاکِ سروَرِ دِیں کا نہ کر خلاف
Tameel-e-hukum-e-Haq ka Hasan hai agar khayal
Irshad-e-pak-e-sarwar-e-deen ka na kar khilaf
Share This Naat
Share with friends and family
کچھ غم نہیں اگرچہ زمانہ ہو بر خلاف
حسن رضا خان