مرے سرکار کا دربارِ پُر انوار کیا کہنا
برستی ہے جہاں پر رحمتِ غفار کیا کہنا
Mere sarkar ka darbar-e-pur anwar kya kehna
Barasti hai jahan par rehmat-e-ghaffar kya kehna
سوالی بن کے آ جائو جو چاہو مانگ لو اُن سے
کسی کو بھی تو وہ کرتے نہیں انکار کیا کہنا
Sawali ban ke aa jao jo chaho mang lo un se
Kisi ko bhi to woh karte nahin inkar kya kehna
بتاتے غیب کی خبریں ہیں اُمت کو مِرے آقا
خدا کے فضل سے ہیں واقفِ اسرار کیا کہنا
Batate ghaib ki khabrein hain ummat ko mere aqa
Khuda ke fazl se hain waaqif-e-asrar kya kehna
وہی سارے جہاں میں نعمتیں تقسیم کرتے ہیں
اُنہیں رب نے بنایا مالک و مختار کیا کہنا
Wohi saari jahan mein nematein taqseem karte hain
Unhin Rab ne banaya malik o mukhtaar kya kehna
محبت سے عنایت سے مرے آقا مرے مولا!
بنائے آپ نے اپنے سبھی اغیار کیاکہنا
Mohabbat se inayat se mere aqa mere maula!
Banaye aap ne apne sabhi aghyar kya kehna
سجی ہے نعت تری ذکر سے سرکار کے آصف
ترے الفاظ کیا کہنا ترے اشعار کیا کہنا
Saji hai naat teri zikr se sarkar ke Asif
Tere alfaaz kya kehna tere ashar kya kehna
Share This Naat
Share with friends and family
مرے سرکار کا دربارِ پُر انوار کیا کہنا
محمد آصف قادری