میں ہوں دیوانہ ترا اور لوگ دیوانے مرے
ساری دنیا کے ہیں ساغر اور مے خانے مرے
Main hoon deewana tera aur log deewane mere
Saari duniya ke hain saghar aur me khanay mere
مجھ سے رو رو کے لپٹ جاتے ہیں تیرے عشق میں
شہر کے باغوں سے اچھے ہیں یہ ویرانے مرے
Mujh se ro ro ke lipat jate hain tere ishq mein
Shehar ke bagho se ache hain yeh weerane mere
یہ تری چشم کرم کا فیض ہے جس کے طفیل
لوگ سنتے ہیں مزے لے لے کے افسانے مرے
Yeh teri chashm karam ka faiz hai jis ke tufail
Log sunte hain maze le le ke afsane mere
تیرا دیوانہ سمجھ کر ، تیرا مستانہ سمجھ کر پیار سے
بھیجتے ہیں پھُول کچھ ہمدرد انجانے مرے
Tera deewana samajh kar, tera mastana samajh kar pyar se
Bhejte hain phool kuch humdard anjane mere
ایک بھی آنسو نہیں باقی مرے پیارے رسولؐ
خشک ہو کر رہ گئے آنکھوں کے پیمانے مرے
Ek bhi aansu nahin baqi mere pyare Rasool ﷺ
Khushk ho kar reh gaye aankhon ke paimane mere
منتظر کب سے شہنشاہا ہیں تیری دید کے
رات دن روتے ہوئے دونین مستانے مرے
Muntazir kab se shahenshaha hain teri deed ke
Raat din rote hue donain mastane mere
میرے دل میں سینکڑوں پھُولوں کی خوشبو آگئی
کس نے تیرا نام چُوما آ کے سرہانے مرے
Mere dil mein seenkro phoolon ki khushbu aa gayi
Kis ne tera naam chooma aa ke sarhane mere
ڈوبتا جاتا ہوں مَیں دن رات اُن کے عشق میں
بڑھتے جاتے ہیں ترے یاروں سے یارانے مرے
Doobta jata hoon main din raat un ke ishq mein
Barhte jate hain tere yaron se yaarane mere
آرہا ہے سامنے آنکھوں کے دربار رسولؐ
توڑ دے انجؔم تمناؤں کے بُت خانے مرے
Aa raha hai samne aankhon ke darbar Rasool ﷺ
Tord de Anjam tamanao ke but khanay mere
Share This Naat
Share with friends and family
میں ہوں دیوانہ ترا اور لوگ دیوانے مرے
انجم نیازی