ان کی یادوں کے انوار سے جو دل کے آنگن سجاتے رہیں گے
مصطفے ان کے خوابوں میں آکر اپنے جلوے دکھاتے رہیں گے
In ki yaadon ke anwaar se jo dil ke aangan sajaate rahenge
Mustafa in ke khwabon mein aakar apne jalwe dikhaate rahenge
نام ان کا لبوں پر سجا کر ہم مقدر جگاتے رہیں گے
ساتھ جب تک دیا زندگی نے ان کی نعتیں سناتے رہیں گے
Naam in ka labon par saja kar hum muqaddar jagaate rahenge
Saath jab tak diya zindagi ne in ki naatein sunaate rahenge
لاکھ بدلے ہوں تیور فضا کے، بگڑے بگڑے ہوں رخ بھی ہوا کے
جو جلائے دیے مصطفے نے وہ دیے جگمگاتے رہیں گے
Laakh badle hon tewar fiza ke, bigrre bigrre hon rukh bhi hawa ke
Jo jalaaye diye Mustafa ne woh diye jagmagaate rahenge
ان کی رحمت پہ کامل یقیں ہے نا امیدی سے رشتہ نہیں ہے
وہ کرم سے گدائے کرم کو اپنے در پہ بلاتے رہیں گے
In ki rehmat pe kaamil yaqeen hai na ummeedi se rishta nahi hai
Woh karam se gadaaye karam ko apne dar pe bulaate rahenge
ہر گھڑی تھی حسیں سے حسین ترلمحہ لمحہ تھا بہتر سے بہتر
دن جو گزرے در مصطفے پر عمر بھر یاد آتے رہیں گے
Har ghari thi haseen se haseen tar lamha lamha tha behtar se behtar
Din jo guzre dar-e-Mustafa par umar bhar yaad aate rahenge
لاکھ طوفاں ڈبونے کو آئیں، زور اپنا ہوائیں دکھائیں
ان کی نسبت سے خود ہی کنارے پیشوائی کو آتے رہیں گے
Laakh toofan dobone ko aayein, zor apna hawaayein dikhaayein
In ki nisbat se khud hi kinare peshwai ko aate rahenge
منہ نہ دیکھیں گے رسوائیوں کا ہر قدم پہ رہیں گے سلامت
ان کی رحمت نے اب تک بچایا وہ ہمیشہ بچاتے رہیں گے
Munh na dekhenge ruswaiyon ka har qadam pe rahenge salaamat
In ki rehmat ne ab tak bachaaya woh hamesha bachaate rahenge
ہم غریبوں کے گھر کا مقدر وہ کبھی تو جگائیں گے آکر
اس توقع پر ہم اے نیازی دیدہ و دل بچھاتے رہیں گے
Hum ghareebon ke ghar ka muqaddar woh kabhi to jagaayenge aakar
Is tawaqqo par hum ae Niazi deeda o dil bichaate rahenge
Share This Naat
Share with friends and family
ان کی یادوں کے انوار سے جو دل کے آنگن سجاتے رہیں گے
عبدالستار نیازی