ہر ویلے عرضاں کردا ہاں سرکار مدینہ ویکھ لواں
لگ دا اے جتھے اللہ دا دربار مدینہ دیکھ لواں
Har waile arzaan krda haan Sarkar e Madina wekh lawan
Lag da ae jithe Allah da darbar Madina wekh lawan
ناں عیش بہاراں منگدا ہاں ناں لمیاں عمراں منگدا ہاں
فیر کڈھ لیں جان میرے مولا اک وار مدینہ ویکھ لواں
Naan aish bahaaraan mangda haan naan lamiyan umraan mangda haan
Fer kadh laen jaan mere Maula ik waar Madina wekh lawan
پے درداں دا مُل جاوے گا ہر اتھرو بن پُھل جاوے گا
لے اپنے نال جے ہنجواں دے سب ہار مدینہ ویکھ لواں
Pe dardaan da mul jaave ga har athru ban phool jaave ga
Le apne naal je hanjwaan de sab haar Madina wekh lawan
ودھ سب توں اَوگنہارا ہاں مجرم تے پاپی بھارا ہاں
کملی دے تھلے لُک جاساں جے یار مدینہ ویکھ لواں
Wadh sab ton aogunhara haan mujrim te paapi bhaara haan
Kamli de thlay luk jaasaan je yaar Madina wekh lawan
اللہ جے کرم کما دیوے جے سُتے لیکھ جگا دیوے
میں وار کے مدنی ماہی توں گھر بار مدینہ ویکھ لواں
Allah je karam kama deve je sute lekh jaga deve
Main waar ke Madni maahi ton ghar baar Madina wekh lawan
میں جھلا ہاں دل جھلا اے عملاں توں خالی پلا اے
ہو جان قبول جے نعتاں دے اشعار مدینہ ویکھ لواں
Main jhalla haan dil jhalla ae a'mlaan ton khaali paala ae
Ho jaan qubool je naataan de ash'ar Madina wekh lawan
آساں دا گلشن کھل جاوے سب صائم مقصد مل جاوے
جے مرن توں پہلاں رحمت دی گلزار مدینہ ویکھ لواں
Aasan da gulshan khul jaave sab Saaim maqsad mil jaave
Je marran ton pehla rehmat di gulzar Madina wekh lawan
Share This Naat
Share with friends and family
ہر ویلے عرضاں کردا ہاں سرکار مدینہ ویکھ لواں
علامہ صائم چشتی