کون جانے مرتبہ سرکار تیرے شہر دا
بادشاہ وی اے گدا اے یار تیرے شہر دا
Kon janay martaba sarkar tere shehar da
Badshah vi ay gada ay yaar tere shehar da
دل ہے دیوانہ مرا سرکار تیرے شہر دا
مر کے وی بھلناں کدی نہیں پیار ترے شہر دا
Dil hai deewana mera sarkar tere shehar da
Mar ke vi bhulna kadi nahin pyar tere shehar da
وار دیواں شہر تیرے توں میں اس دنیا دا پیار
پیاریاں توں وی اے پیارا پیار تیرے شہر دا
Waar diwaan shehar tere toon main is duniya da pyar
Piyariyan toon vi ay pyara pyar tere shehar da
ہے مرے دل دی تمنا مدتاں توں یا نبی
کرلواں دیدار میں اک وار تیرے شہر دا
Hai mare dil di tamana maddtaan toon ya nabi
Karlwaan deedar main ik waar tere shehar da
تیرے در دے باہجھ آقا نئیں کتوں ملنی شفا
دارو میرے روگ دا دیدار تیرے شہر دا
Tere dar de baajh aqa nai kito milni shifa
Daaru mere rog da deedar tere shehar da
دید دا دارو اے کافی تیرے اس بیمارنوں
نئیں شفاواں منگدا بیمار تیرے شہر دا
Deed da daaru ay kafi tere is bemar nu
Nain shafawan mangda bemar tere shehar da
جہنے تیرے مے کدے چوں اک واری پی لئی
مڑ کتوں پیندا نئیں اوہ میخوار تیرے شہر دا
Jehne tere may kade choon ik waari p laee
Mur kithon peenda nain o mekhwaar tere shehar da
اوس دی قسمت تے مینوں رشک اوندا اے بڑا
بن دا اے مہماں جو دن چار تیرے شہر دا
Ous di kismat te mainu rashk onda ay bara
Ban da ay mehman jo din chaar tere shehar da
ہے نیازی دی ایہو ای زندگی تے بندگی
ذکر میں کردا رواں سرکار تیرے شہر دا
Hai Niazi di eho e zindagi te bandagi
Zikar main karda rawaan sarkar tere shehar da
Share This Naat
Share with friends and family
کون جانے مرتبہ سرکار تیرے شہر دا
عبدالستار نیازی