میرے مولا میرے سروَر رحمۃٌ لِّلْعالمیں
میرے آقا میرے رہبر رحمۃٌ لِّلْعالمیں
Mere mola mere sarwar rehmat-un-lil'alameen
Mere aaqa mere rehbar rehmat-un-lil'alameen
لاتے ہی تشریف فرمایا کہ ھَبْ لِیْ اُمَّتِیْ
اے شفیع روزِ محشر رحمۃٌ لِّلْعالمیں
Laate hi tashreef farmaya ke hab li ummati
Ae shafee roz-e-mahshar rehmat-un-lil'alameen
دستِ اَقدس سینہ پر ہو رُوح کھنچتی ہو مری
لب پہ جاری ہو برابر رحمۃٌ لِّلْعالمیں
Dast-e-aqdas seena par ho rooh khinchooti ho meri
Lab pe jaari ho barabar rehmat-un-lil'alameen
روزِ محشر شانِ رحمت کے کرشمے دیکھنا
ہے عجب پر نور منظر رحمۃٌ لِّلْعالمیں
Roz-e-mahshar shaan-e-rehmat ke karishme dekhna
Hai ajab pur noor manzar rehmat-un-lil'alameen
میں پیامِ زندگی سمجھوں اگر یوں موت آئے
آپ کا دَر ہو مرا سر رحمۃٌ لِّلْعالمیں
Main payaam-e-zindagi samjhoon agar yuoon maut aaye
Aap ka dar ho mera sar rehmat-un-lil'alameen
قدرتیں رب نے تمہارے تم کو دی ہیں بیشمار
میرا چمکا دو مقدر رحمۃٌ لِّلْعالمیں
Qudratein Rab ne tumhare tum ko di hain beshumaar
Mera chamka do muqaddar rehmat-un-lil'alameen
مَدح خوانی کا صلہ دیدار ِحق خلد بریں
ہو عطا یا شاہِ کوثر رحمۃٌ لِّلْعالمیں
Madh khwani ka sila deedaar-e-haq khald-e-bareen
Ho ata ya shaah-e-kauthar rehmat-un-lil'alameen
عالم علم لدنی آپ کو حق نے کیا
حال سب روشن ہے تم پر رحمۃٌ لِّلْعالمیں
Alam ilm ladunni aap ko haq ne kiya
Haal sab roshan hai tum par rehmat-un-lil'alameen
کفر کی ظلمت چھنٹی جب نور چمکا آپکا
حق کے خورشیدِ منور رحمۃٌ لِّلْعالمیں
Kufr ki zulmat chhunti jab noor chamka aapka
Haq ke khursheed-e-munawwar rehmat-un-lil'alameen
اپنے دامن میں چھپا لینا خدا کے واسطے
تیز ہو جب مہرِ محشر رحمۃٌ لِّلْعالمیں
Apne daaman mein chhupa lena khuda ke waaste
Tez ho jab mehr-e-mahshar rehmat-un-lil'alameen
دل میں آنکھوں میں جگہ ہے آپ ہی کے واسطے
آ سلیماں مور کے گھر رحمۃٌ لِّلْعالمیں
Dil mein aankhon mein jagah hai aap hi ke waaste
Aa Suleimaan mor ke ghar rehmat-un-lil'alameen
میں بھکاری در بدر کب تک پھروں خستہ خراب
اب بلا لو اپنے دَر پر رحمۃٌ لِّلْعالمیں
Main bhikhari dar badar kab tak phiroon khasta kharaab
Ab bula lo apne dar par rehmat-un-lil'alameen
ہم کمینے روز و شب سوتے ہیں بالکل بے خبر
رات بھر روتے تھے سروَر رحمۃٌ لِّلْعالمیں
Hum kameene roz-o-shab sote hain bilkul be khabar
Raat bhar rote the sarwar rehmat-un-lil'alameen
مَظہَر ذاتِ خدا محبوبِ رَبِّ دوسرا
بادشاہِ ہفت کشور رحمۃٌ لِّلْعالَمیں
Mazhar zaat-e-khuda mahboob-e-Rab-e-dosra
Badshah-e-haft kishwaur rehmat-un-lil'alameen
جس نے دیکھی تیری صورت حق اُسے یاد آگیا
کیوں نہ ہوں آنکھیں منور رحمۃٌ لِّلْعالَمیں
Jis ne dekhi teri soorat haq use yaad aagaya
Kyun na hon aankhein munawwar rehmat-un-lil'alameen
تو نے فرمایا ھُوَ الْمُعْطِیْ وَ اِنِّیْ قَاسِم
کیوں نہ مانگوں تیرے در پر رحمۃٌ لِّلْعالَمیں
Tu ne farmaya huwa al-mu'ti wa inni qasim
Kyun na maangoon tere dar par rehmat-un-lil'alameen
روزِ محشر عاصیوں کو بخشوانے کے لیے
ڈھونڈتے ہیں مثل مادَر رحمۃٌ لِّلْعالَمیں
Roz-e-mahshar aasi yaun ko bakhshwane ke liye
Dhoondhte hain misl maadar rehmat-un-lil'alameen
ہم کو خواہش ہے نہ دنیا کی نہ کچھ عقبیٰ کی فکر
بس گئے ہیں دِل کے اندر رحمۃٌ لِّلْعالَمیں
Hum ko khwaahish hai na duniya ki na kuch a'quba ki fikr
Bas gaye hain dil ke andar rehmat-un-lil'alameen
ہے نہ کوئی تیرا ثانی اور نہ ہوگا تا اَبد
ہر صفت میں سب سے بڑھ کر رحمۃٌ لِّلْعالَمیں
Hai na koi tera saani aur na hoga ta abadd
Har sifat mein sab se barh kar rehmat-un-lil'alameen
دُور نے نزدیک نے آواز یکساں ہی سنی
جب ہوئے بالائے منبر رحمۃٌ لِّلْعالَمیں
Door ne nazeed ne awaaz yaksaan hi suni
Jab hue bala-e-mimbar rehmat-un-lil'alameen
ہم سیہ کاروں کی بخشش کی کوئی صورت نہیں
ناز ہے تیرے کرم پر رحمۃٌ لِّلْعالَمیں
Hum siya ke daroun ki bakhshish ki koi soorat nahin
Naaz hai tere karam par rehmat-un-lil'alameen
میری طاعت اور محبت میں رہو بستہ کمر
بس یہ ہے اِرشادِ سروَر رحمۃٌ لِّلْعالَمیں
Meri taat aur mohabbat mein raho basta kamar
Bas ye hai irshaad-e-sarwar rehmat-un-lil'alameen
دِین کو چھوڑو نہ دنیا کے لیے اے مومنو
دِین و دُنیا دیں گے یکسر رحمۃٌ لِّلْعالَمیں
Deen ko chhodo na duniya ke liye ae momino
Deen-o-duniya dein ge yaksar rehmat-un-lil'alameen
جالیاں ہوں ہاتھ میں اور اِلتجائیں لب پہ ہوں
ہو مقدر یاوَری پر رحمۃٌ لِّلْعالَمیں
Jaaliyaan ho hath mein aur iltijaein lab pe hon
Ho muqaddar yawanri par rehmat-un-lil'alameen
تیرے تیری آل کے صدقے میں اے جانِ جہاں
ہو مُیَسَّر حج اَکبر رحمۃٌ لِّلْعالَمیں
Tere teri aal ke sadqe mein ae jaan-e-jahaan
Ho muyassar haj-e-akbar rehmat-un-lil'alameen
تیرا جلوہ تھا شبِ اَسریٰ کہ عرش و فرش میں
نورِ حق تھا جلوہ گستر رحمۃٌ لِّلْعالَمیں
Tera jalwa tha shab-e-asra ke arsh-o-farsh mein
Noor-e-haq tha jalwa ghasayar rehmat-un-lil'alameen
کیا زمین و آسماں کیا اَنبیا کیا اَولیا
سب ہیں مشتق تو ہے مصدر رحمۃٌ لِّلْعالَمیں
Kya zameen-o-aasman kya anbiya kya auliya
Sab hain mushtaq tu hai masdar rehmat-un-lil'alameen
بس خدا اُن کو نہ کہنا اور جو چاہو کہو
سب سے بالا سب سے برتر رحمۃٌ لِّلْعالَمیں
Bas khuda un ko na kehna aur jo chaho kaho
Sab se bala sab se barhatar rehmat-un-lil'alameen
ذِکر تیرا دِلکشا اور نام تیرا جانفزا
فکر تیری رُوح پروَر رحمۃٌ لِّلْعالَمیں
Zikr tera dilkash aur naam tera jaan-fiza
Fikr teri rooh parowar rehmat-un-lil'alameen
سب فصیحانِ زمانہ دَم بخود حیرت میں ہیں
کون ہے تم سا سخن وَر رحمۃٌ لِّلْعالَمیں
Sab fasihan-e-zamana dam bakhud hairat mein hain
Kaun hai tum sa sukhanwar rehmat-un-lil'alameen
رَمزِ محبوب و محب میں تیسرے کو دَخل کیا
سرِ حق ہے ذاتِ اَطہر رحمۃٌ لِّلْعالَمیں
Ramz-e-mahboob-o-hib mein teesre ko dakhl kya
Sir-e-haq hai zaat-e-athar rehmat-un-lil'alameen
پنجتن ہیں فاطمہ خیر النسا شیرِ خدا
سبطِ اَکبر سبطِ اَصغر رحمۃٌ لِّلْعالَمیں
Panjtan hain Fatima khair-un-nisa sher-e-khuda
Sibt-e-akbar sibt-e-asghar rehmat-un-lil'alameen
سایۂ عرشِ الٰہی میں کھڑا کرنا مجھے
ہیں سیہ عصیاں سے دفتر رحمۃٌ لِّلْعالَمیں
Sayae arsh-e-ilahi mein khada karna mujhe
Hain siya asyaan se daftar rehmat-un-lil'alameen
بے پڑھے عالم نے ہر عالم پہ علم اِلقا کیے
علم غیب حق کے مظہر رحمۃٌ لِّلْعالَمیں
Be padhe aalim ne har aalim pe ilm ilqa kiye
Ilm e gaib haq ke mazhar rehmat-un-lil'alameen
پنجۂ قدرت سنوارے جن کو وہ ہیں مشک ساں
تیرے گیسوئے مُعَنبَر رحمۃٌ لِّلْعالَمیں
Panja-e-qudrat sanwaare jin ko woh hain mushk saan
Tere gesoye munabar rehmat-un-lil'alameen
تم سخی داتا ہو میں اَدنیٰ بھکاری آپ کا
دے دو ٹکڑا ہاتھ اُٹھا کر رحمۃٌ لِّلْعالَمیں
Tum sakhi data hoon main adna bhikhari aap ka
De do tukra haath uthakar rehmat-un-lil'alameen
نیک بندوں پر تو رہتی ہے عنایت روز و شب
رُوسیہ پر بھی کرم کر رحمۃٌ لِّلْعالَمیں
Nek bandon par to rehti hai inayat roz-o-shab
Roosiya par bhi karam kar rehmat-un-lil'alameen
سنتے ہی جَاؤُکَ اِستغفار میں کرنے لگا
ہوں جرائم عفو یکسر رحمۃٌ لِّلْعالَمیں
Sunte hi jaa'ouka istighfaar mein karne laga
Hoon jaraim afu yaksar rehmat-un-lil'alameen
خادِمِ دَرباں بنالو بندۂ دَرگاہ کو
پھر رہا ہوں خوار دَر دَر رحمۃٌ لِّلْعالَمیں
Khadim-e-darban banalo banda-e-dargaah ko
Phir raha hoon khwar dar dar rehmat-un-lil'alameen
تشنگیِ شربتِ دِیدار سے مُضْطَر ہوں میں
ہو عطا لِلّٰہ ساغر رحمۃٌ لِّلْعالَمیں
Tashnagi-e-sharbat-e-deedaar se muztar hoon main
Ho ata lillaah saghar rehmat-un-lil'alameen
خوفِ محشر کیوں جمیلؔ قادِری رَضوی کو ہو
دونوں عالم میں ہیں سر پر رحمۃٌ لِّلْعالَمیں
Khof-e-mahshar kyoun Jameel Qadiri Razwi ko ho
Dono aalam mein hain sar par rehmat-un-lil'alameen
Share This Naat
Share with friends and family
میرے مولا میرے سروَر رحمۃٌ لِّلْعالمیں
جمیل الرحمن قادری