کیے کون و مکاں روشن تری تنویر کے قرباں
تو پہنچا لامکاں پیارے تری توقیر کے قرباں
Kiay kon o makaan roshan tri tanweer k qurbaan
Tu pohancha la makaan pyaray tri tawqeer k qurbaan
رُخ و زُلفِ نبی کو دیکھ کر کہتا ہے آئینہ
عرب کے چاند میں بھی ہوں تیری تنویر کے قرباں
Rukh o zulfe nabi ko dekh kar kehta hai aaina
Arab k chaand mein bhi hoon teri tanweer k qurbaan
نبی کی خاکِ پا اِکسیرِ اَعظم سے بھی بڑھ کر ہے
میں کیوں اے کیمیا گر ہوں تری اِکسیر کے قرباں
Nabi ki khaak e pa ikseer e azam se bhi barh kar hai
Mein kyun ay keemiya gar hoon teri ikseer k qurbaan
فصیحانِ عرب حیران ہو ہو کر یہ کہتے تھے
رَسُوْلُ اللہ کی تقریر پر تنویر کے قرباں
Fasihan e Arab hairaan ho hokar ye kehte thay
Rasoolu Allah ki taqreer par tanweer k qurbaan
ہزاروں دشمنوں کو ایکدم میں کرلیا بندہ
رَسُوْلُ اللہ کے خطبے تری تاثیر کے قرباں
Hazaaron dushmanon ko aikdam mein karliya banda
Rasoolu Allah k khutbay tri taseer k qurbaan
ملائک اِنس و جن کیا جانور بھی ہوگئے شیدا
ہوئے سنگ و شجر گویا تری تسخیر کے قرباں
Malaik ins o jin kya janwar bhi hogaye shayda
Huaye sang o shajar goya teri taskheer k qurbaan
عطا کیں نعمتیں دونوں جہاں کی حق تعالیٰ نے
خدا کے نائبِ مطلق تری جاگیر کے قرباں
Ata keen naimatain dono jahan ki Haq Taala ne
Khuda k naib e mutlaq teri jageer k qurbaan
وطن اپنا کیا طیبہ میں جب محبوبِ اَکرم نے
تو مکہ کیوں مَدینہ کی نہ ہو تقدیر کے قرباں
Watan apna kiya Taiba mein jab Mehboob e Akram ne
To Makka kyun Madinah ki na ho taqdeer k qurbaan
کروں میں اس قدر یارب رُخِ مولیٰ کا نظارہ
کہ ہوں آنکھیں مری وَالشمس کی تفسیر کے قرباں
Karoon mein is qadar Ya Rab rukh e Maula ka nazara
Ke hoon aankhein meri Wal Shams ki tafseer k qurbaan
مسلمانوں پہ ایسا تو نے دامِ مکر پھیلایا
کہ ہے اِبلیس بھی نجدی تری تزوِیر کے قرباں
Muslamano pe aisa tu ne daam e makar phelaya
Ke hai Iblees bhi Najdi teri tazweeer k qurbaan
وہ شیخ احمد رضا خاں جس نے راہِ راست دِکھلائی
جمیلؔ قادِری کیوں ہو نہ ایسے پیر کے قرباں
Woh Sheikh Ahmed Raza Khan jis ne raah e raast dikhlaayi
Jameel Qadri kyun ho na aise peer k qurbaan
Share This Naat
Share with friends and family
کیے کون و مکاں روشن تری تنویر کے قرباں
جمیل الرحمن قادری