مرے آقا میری بگڑی بنا دے
مری کشتی کنارے تے لگادے
Mare aaqa meri bigri bana de
Meri kishti kinare te laga de
میں مر چلیاں ہاں تیرے ہجر اندر
میرے دُکھ ہن تے محبوبا مٹا دے
Mein mar chaliyaan han teray hijr andar
Mere dukh han te mahebooba mita de
ترے والفجر چہرے توں میں صدقے
کدی سُفنے دے وچ مکھڑا دکھا دے
Tere wal-fajr chehre ton mein sadqe
Kadi supne de wich mukhra dikha de
غماں نے پالیا گھیرا چفیرے
مدینے والیا دُکھڑے مُکا دے
Ghamaan ne palya ghera chafire
Madayne waliya dukhre muka de
بس ایہو آرزو اے ہن تے مینوں
مدینے پاک دی مٹی بنادے
Bas eho arzo ae han te mainu
Madayne pak di miti bana de
تِرا وَسدا رہوے سوہنا مدینہ
اساڈی جھوک وی آقا وسا دے
Tira wasda rahve sohna Madina
Asaadi jhok wi aaqa wasa de
جدوں آجاوندی ٹھر دا اے سینہ
میں صدقے شہرِ طیبہ دی ہوا دے
Jadon aajaondi thehar da ae seena
Mein sadqe shehr-e-taiba di hawa de
میں رو پیندا ہاں صائم یاد کر کے
مناظر شهر خوباں دی فضا دے
Mein ro peenda han Saam yaad kar ke
Manazer shehr-e-khubaan di fiza de
Share This Naat
Share with friends and family
مرے آقا میری بگڑی بنا دے
علامہ صائم چشتی