میرا وردِ زباں ہے ترا نام بس
میری تسکینِ جاں ہے ترا نام بس
Mera wird-e-zabaan hai tera naam bas
Meri taskeen-e-jaan hai tera naam bas
زندگی کی کڑکتی ہوئی دھوپ میں
سر پہ سایہ کناں ہے ترا نام بس
Zindagi ki karkati hui dhoop mein
Sar pe saya kanaan hai tera naam bas
من کی ویران وادی پہ میری شہا
ہر گھڑی گُلفشاں ہے ترا نام بس
Man ki weeran waadi pe meri shah
Har ghadi gulfashan hai tera naam bas
رہ سے بھٹکے ہوئے قافلوں کے لئے
منزلوں کا نشاں ہے ترا نام بس
Reh se bhatke hue qafilon ke liye
Manzilon ka nishaan hai tera naam bas
رنج و آلام میں اے مرے چارہ گر
راحتِ جسم و جاں ہے ترا نام بس
Ranj o aalam mein ae mere chara gar
Raahat-e-jism o jaan hai tera naam bas
سارے عالم میں چرچے اسی نام کے
از کراں تا کراں ہے ترا نام بس
Saare aalam mein charche isi naam ke
Az karaa ta karaa hai tera naam bas
ہر کوئی اس کی الفت میں سرشار ہے
اس قدر مہرباں ہے ترا نام بس
Har koi is ki ulfat mein sarshar hai
Is qadar mehrbaan hai tera naam bas
میں جلیل اس سے کہتا ہوں دردِ جگر
بس مرا رازداں ہے ترا نام بس
Main Jaleel is se kehta hoon dard-e-jigar
Bas mera raazdaan hai tera naam bas
Share This Naat
Share with friends and family
میرا وردِ زباں ہے ترا نام بس
حافظ عبدالجلیل