محبوب کی محفل کو محبوب سجاتے ہیں
آتے ہیں وہی جن کو سرکار بلاتے ہیں
Mahboob ki mehfil ko mahboob sajate hain
Aate hain wahi jin ko sarkar bulate hain
وہ لوگ خدا شاہد قسمت کے سکندر ہیں
جو سرور عالم کا میلاد مناتے ہیں
Woh log khuda shahid qismat ke sikandar hain
Jo sarwar e aalam ka milaad manate hain
میخوارو ذرا جانا میخانہ سرور میں
وہ جامِ کرم اب بھی بھر بھر کے پلاتے ہیں
Mehkharro zara jaana mekhana e sarwar mein
Woh jaam e karam ab bhi bhar bhar ke pilate hain
سرکار کی رحمت کا اندازہ نہیں ان کو
جو ہم کو جہنم سے دن رات ڈراتے ہیں
Sarkar ki rehmat ka andaza nahi in ko
Jo hum ko jahannum se din raat darate hain
جن کا بھری دنیا میں کوئی بھی نہیں والی
اُن کو بھی میرے آقا سینے سے لگاتے ہیں
Jin ka bhari duniya mein koi bhi nahi wali
Un ko bhi mere aaqa seene se lagate hain
دامان کریمی کی وسعت تو ذرا دیکھو
مجھ جیسے نکمے کو کملی میں چھپاتے ہیں
Daaman e kareemi ki wusat to zara dekho
Mujh jese nikamme ko kamli mein chhupate hain
اُن لوگوں کی عظمت کا اللہ بھی ذاکر ہے
گن آپ کی عظمت کے دن رات جو گاتے ہیں
Un logon ki azmat ka Allah bhi zakir hai
Gun aap ki azmat ke din raat jo gaate hain
جو شاہ مدینہ کو لج پال سمجھتے ہیں
دامان طلب بھر کر محفل سے وہ جاتے ہیں
Jo shah e Madina ko laaj paal samajhte hain
Daaman e talab bhar kar mehfil se woh jaate hain
اس آس پہ جیتا ہوں کہہ دے کوئی یہ آکر
چل تجھ کو مدینے میں سرکار بلاتے ہیں
Is aas pe jeeta hoon keh de koi yeh aakar
Chal tujh ko Madine mein Sarkar bulate hain
اللہ کے خزانوں کے مالک ہیں نبی سرور
یہ سچ ہے نیازی ہم سرکار کا کھاتے ہیں
Allah ke khazanon ke maalik hain Nabi sarwar
Yeh sach hai Niazi hum sarkar ka khate hain
Share This Naat
Share with friends and family
محبوب کی محفل کو محبوب سجاتے ہیں
عبدالستار نیازی