مہک مدینے کی لائے بہار اب کے برس
تو میرے دل کو بھی آئے قرار اب کے برس
Mehek Madine ki laye bahar ab ke baras
To mere dil ko bhi aaye qaraar ab ke baras
بتائیں ان کو مدینے میں قافلے جا کر
کہ چھوڑ آئے ہیں اک دل فگار اب کے برس
Batayein un ko Madine mein qaafle ja kar
Ke chor aaye hain ik dil figaar ab ke baras
گئے تھے ہم بھی زمانے کو چھوڑ کر ملنے
رہے گا آنکھوں میں اُن کا خمار اب کے برس
Gaye the hum bhi zamane ko chor kar milne
Rahe ga aankhon mein un ka khumaar ab ke baras
گناہوں میں جو گزاری ہے زندگی ہم نے
ہوئے مدینے میں ہم شرم سار اب کے برس
Gunahon mein jo guzaari hai zindagi hum ne
Hue Madine mein hum sharm saar ab ke baras
وہ بانٹ لیں گے ہمارے غموں کی یہ گٹھڑی
ملیں گے جب بھی ہمیں غم گسار اب کے برس
Wo baant leinge hamare ghamon ki ye guthri
Milenge jab bhi humein gham gusaara ab ke baras
اُنہیں سنائیں گے سب دوستوں کے دکھ جا کر
کریں گے اپنے بھی غم آشکار اب کے برس
Unhen sunayeinge sab doston ke dukh ja kar
Kareinge apne bhi gham aashkaar ab ke baras
بہت رلایا ہے فرقت نے یا نبی مجھ کو
ستایا یادوں نے ہے بے شمار اب کے برس
Bohat rulaya hai furqat ne ya Nabi mujh ko
Sataya yaadon ne hai be shumar ab ke baras
عطا کیا ہے جو حسنین کا ہمیں صدقہ
فقیر ہو گیا ہے تاجدار اب کے برس
Ataa kiya hai jo Hasnain ka humein sadqa
Faqeer ho gaya hai tajdaar ab ke baras
جھکائیں سر کو رکوع و سجود میں قائم
ہمارے دل کی یہی ہے پکار اب کے برس
Jhukaayein sar ko ruku o sujood mein qaim
Hamare dil ki yahi hai pukaar ab ke baras
Share This Naat
Share with friends and family
مہک مدینے کی لائے بہار اب کے برس
سید حب دار قائم