بشر کی حرمت حضورؐ سے ہے
یہ شان و شوکت حضورؐ سے ہے
Bashar ki hurmat Huzoorؐ se hai
Yeh shaan o shaukat Huzoorؐ se hai
ہمیں نہ کوئی حقیر جانے
ہماری نسبت حضورؐ سے ہے
Humein na koi haqeer jaane
Hamari nisbat Huzoorؐ se hai
تنی ہے سر پر کرم کی چادر
یہ ظلِ رحمت حضورؐ سے ہے
Tani hai sar par karam ki chadar
Yeh zil e rehmat Huzoorؐ se hai
نہ ہے، نہ ہو گی کبھی کسی سے
جو میری چاہت حضورؐ سے ہے
Na hai, na ho gi kabhi kisi se
Jo meri chahat Huzoorؐ se hai
عطا ہوئی نعت کی سعادت
ملی یہ دولت حضورؐ سے ہے
Ataa hui naat ki sa'adat
Mili yeh daulat Huzoorؐ se hai
انہیؐ کے صدقے عطا ہوئی ہے
ہر ایک نعمت حضورؐ سے ہے
Inhiؐ ke sadqe ataa hui hai
Har aik ne'mat Huzoorؐ se hai
ہے آپؐ ہی سے نظر کو فرحت
دلوں کو راحت حضورؐ سے ہے
Hai aapؐ hi se nazar ko farhat
Dilon ko raahat Huzoorؐ se hai
گرے گا دوزخ میں سب سے پہلے
جسے عداوت حضورؐ سے ہے
Gire ga dozakh mein sab se pehle
Jise adawat Huzoorؐ se hai
یہاں بھی جنت وہاں بھی جنت
اگر محبت حضورؐ سے ہے
Yahan bhi jannat wahan bhi jannat
Agar muhabbat Huzoorؐ se hai
ملی ہے سرکارؐ کی غلامی
بنی یہ قسمت حضورؐ سے ہے
Mili hai Sarkarؐ ki ghulami
Bani yeh qismat Huzoorؐ se hai
انہیؐ سے ہے رنگ و بوئے عالم
جمالِ فطرت حضورؐ سے ہے
Inhiؐ se hai rang o boe e aalam
Jamaal e fitrat Huzoorؐ se hai
وہؐ رُوحِ دُنیا وہؐ جانِ عالم
جہاں میں حرکت حضورؐ سے ہے
Wohؐ rooh e dunya wohؐ jan e aalam
Jahan mein harkat Huzoorؐ se hai
یہ حسن و خوشبو ، چمن کی رونق
گلوں میں رنگت حضورؐ سے ہے
Yeh husn o khushboo, chaman ki rounaq
Gulo'n mein rangat Huzoorؐ se hai
Share This Naat
Share with friends and family
بشر کی حرمت حضورؐ سے ہے
اشفاق احمد غوری