آپؐ سے رشتہ غلامی کا سدا قائم رہے
خواجگی اور بندگی کی یہ فضا قائم رہے
Aapﷺ se rishta ghulami ka sada qaim rahe
Khwajagi aur bandagi ki yeh fiza qaim rahe
لفظ پھولوں کی طرح گرتے رہیں قرطاس پر
نعت کہنے کا چمکتا سلسلہ قائم رہے
Lafz phoolon ki tarah girtay rahein qartas par
Naat kehne ka chamakta silsila qaim rahe
آپؐ سے میں گفتگو کرتا رہوں تا زندگی
میرے دل میں ایک رستہ خواب سا قائم رہے
Aapﷺ se main guftagu karta rahoon taa zindagi
Mere dil mein aik rasta khwab sa qaim rahe
آپؐ سے میں جو خوشی مانگوں وہ مِل جائے مجھے
میرے حق میں آپؐ کا حرفِ دُعا قائم رہے
Aapﷺ se main jo khushi maangoon woh mil jaye mujhe
Mere haq mein aapﷺ ka harf-e-dua qaim rahe
تا ابد آنے نہ پائے اُن کی عظمت پر زوال
شہرِ کعبہ اور شہرِ مصطفیٰؐ قائم رہے
Taa abad anay na paye unki azmat par zawal
Shehar-e-Kaaba aur Shehar-e-Mustafaﷺ qaim rahe
آپؐ کے قدموں کی دل میں چاپ سی محسوس ہو
میرے دل سے آپؐ کا یہ رابطہ قائم رہے
Aapﷺ ke qadmom ki dil mein chaap si mehsoos ho
Mere dil se aapﷺ ka yeh rabita qaim rahe
سلسلہ ٹوٹے نہ یادوں کا مرے دِل سے کبھی
اِک دیا بجھنے لگے تو دوسرا قائم رہے
Silsila toote na yaadon ka mere dil se kabhi
Ik diya bujhne lage to doosra qaim rahe
Share This Naat
Share with friends and family
آپؐ سے رشتہ غلامی کا سدا قائم رہے
انجم نیازی