کس سے مانگیں، کہاں جائیں، کس سے کہیں اور دنیا میں حاجت روا کون ہے
سب کا داتا ہے تُو، سب کو دیتا ہے تُو، تیرے بندوں کا تیرے سِوا کون ہے
Kis se maangein, kahaan jaayein, kis se kahein aur duniya mein haajat rawa kaun hai
Sab ka daata hai tu, sab ko deta hai tu, tere bandon ka tere siwa kaun hai
کون مقبول ہے، کون مَردُود ہے، بے خبر! کیا خبر تجھ کو، کیا کون ہے
جب تُلیں گے عمل سب کے میزان پر، تب کھُلے گا کہ کھوٹا کھرا کون ہے
Kaun maqbool hai, kaun mardood hai, be khabar! kya khabar tujh ko, kya kaun hai
Jab tulen ge amal sab ke mezaan par, tab khule ga ke khota khara kaun hai
کون سُنتا ہے فریاد مظلُوم کی، کس کے ہاتھوں میں کُنجی ہے مقسُوم کی
رزق پر کس کے پَلتے ہیں شاہ و گدا، مسند آرائے بزمِ عطا کون ہے
Kaun sunta hai faryaad mazloom ki, kis ke haathon mein kunji hai maqsoom ki
Rizq par kis ke palte hain shaah o gada, masnad aaraaye bazm-e-ata kaun hai
اولیا تیرے محتاج اے ربّ کُل! تیرے بندے ہیں سب انبیاء و رُسُل
اِن کی عزّت کا باعث ہے نسبت تری، اِن کی پہچان تیرے سِوا کون ہے
Auliya tere mohtaaj ae rabb-e-kul! tere bande hain sab ambiyaa o rusul
In ki izzat ka ba'is hai nisbat teri, in ki pehchaan tere siwa kaun hai
میرا مالک مِری سُن رہا ہے فُغاں، جانتا ہے وہ خاموشیوں کی زُباں
اب مِری راہ میں کوئی حائل نہ ہو نامہ برکیا بَلا ہے، صبا کون ہے
Mera maalik meri sun raha hai fughan, jaanta hai woh khamoshiyon ki zabaan
Ab meri raah mein koi haail na ho naama bar kia bala hai, saba kaun hai
ابتدا بھی وہی، انتہا بھی وہی، ناخدا بھی وہی خدا بھی وہی
جو ہے سارے جہانوں میں جلوہ نُما، اُس اَحَد کے سِوا دُوسرا کون ہے
Ibtida bhi wohi, intehaa bhi wohi, naakhuda bhi wohi khuda bhi wohi
Jo hai saare jahanon mein jalwa numa, us ahad ke siwa doosra kaun hai
وہ حقائق ہوں اَشیا ءکے یا خُشک و تَر و فہم و ادراک کی زد میں ہیں سب ، مگر
ماسِوا ایک اُس ذاتِ بے رنگ کے، فہم و ادراک سے ماورٰی کون ہے
Woh haqaiq hon ashya ke ya khushk o tar o fehm o idraak ki zad mein hain sab, magar
Ma siwa ek us zaat-e-berang ke, fehm o idraak se mawra kaun hai
انبیا، اولیا، اہل بیتؓ نبی ؐ ،تابعین و صحابہؓ پہ جب آ بنی
گِر کے سجدے میں سب نے یہی عرض کی، تُو نہیں ہے تو مشکل کُشا کون ہے
Ambiyaa, auliya, ahl-e-bait Nabi, tabieen o sahaaba pe jab aa bani
Gir ke sajde mein sab ne yehi arz ki, tu nahi hai to mushkil kusha kaun hai
اہلِ فکر و نظر جانتے ہیں تجھے کچھ نہ ہونے پہ بھی مانتے ہیں تجھے
اے نصیرؔ ! اِس کو تُوفضلِ باری سمجھٗ ورنہ تیری طرف دیکھتا کون ہے
Ahl-e-fikr o nazar jaante hain tujhe kuch na hone pe bhi maante hain tujhe
Ae Naseer! is ko tu fazl-e-baari samajh warna teri taraf dekhta kaun hai
Share This Naat
Share with friends and family
مسند آرائے بزمِ عطا
سید نصیرالدیں نصیر