مسجدِ حق کی اذاں، احمد رضا
عشق کا دارالاماں احمد رضا
Masjid-e-Haq ki azaan, Ahmad Raza
Ishq ka dar-ul-amaan Ahmad Raza
شرع و سنّت کی حقیقی رہ گزر
معرفت کا گلستاں احمد رضا
Shara o Sunnat ki haqeeqi reh guzr
Marifat ka gulistaan Ahmad Raza
عکسِ باطن بھی ہے آئینہ بکف
جسم دیں، پرچھائیاں احمد رضا
Aks-e-baatin bhi hai aaeena bakaf
Jism-e-deen, parchhaaiyaan Ahmad Raza
قائلِ اجماع و قرآن و حدیث
حسنِ نیّت کی زباں احمد رضا
Qail-e-Ijma aur Quran aur Hadees
Husn-e-niyyat ki zabaan Ahmad Raza
ہیں تصانیف آپ کی لگ بھگ ہزار
علم کے کوہِ گراں احمد رضا
Hain tasaneef aap ki lag bhag hazaar
Ilm ke koh-e-giraan Ahmad Raza
ہر ادا اصحاب صفہّ کی مُرید
سائبانِ عاشقاں احمد رضا
Har ada As-haab-e-Suffah ki mureed
Saibaan-e-aashiqaan Ahmad Raza
جو نبیؐ کے خانوادے سے چلی
اُس محبت کی اذاں احمد رضا
Jo Nabi ke khaanwaaday se chali
Us mohabbat ki azaan Ahmad Raza
موت کو سکھلائیں جینے کا ہنر
قبر کی روح و رواں احمد رضا
Maut ko sikhlayein jeene ka hunar
Qabar ki rooh-o-rawaan Ahmad Raza
چل رہی ہے اذن سے ان کے ہوا
ناؤ ایماں، بادباں احمد رضا
Chal rahi hai aazn se un ke hawa
Nao eimaan, baadbaan Ahmad Raza
رستے رستے آپ کے نقشِ قدم
کارواں در کارواں احمد رضا
Raste raste aap ke naqsh-e-qadam
Kaaarwaan dar kaaarwaan Ahmad Raza
جائے پیدائش بریلی کی زمیں
ہیں مکینِ قلب و جاں احمد رضا
Jaye paidaish Bareilly ki zameen
Hain makeen-e-qalb-o-jaan Ahmad Raza
ذہن ، دل، آنکھیں مظفر روشنی
چاند سورج کہکشاں احمد رضا
Zehin, dil, aankhein muzafar roshni
Chaand sooraj kehkeshaan Ahmad Raza
Share This Naat
Share with friends and family
مسجدِ حق کی اذاں، احمد رضا
مظفر وارثی