مشامِ جان میں مہکا خیالِ سیدِ عالم
بنا وجہِ قرارِ جاں وصالِ سیدِ عالم
Mashaam-e-jaan mein mehka khayal-e-Sayyed-e-Alam
Bana wajah-e-qarar-e-jaan visaale Sayyed-e-Alam
زمانہ جب تمنائے جناں میں سر بہ سجدہ تھا
مرے ہونٹوں پہ رقصاں تھا سوالِ سیدِ عالم
Zamana jab tamanaaye janan mein sar be sajda tha
Mere honthon pe raqsaan tha sawaal-e-Sayyed-e-Alam
تمثل سے ورا ہیں گیسوئے اطہر سے ناخن تک
نہ ممکن تھی نہ ممکن ہے مثالِ سیدِ عالم
Tamassul se waraa hain gesoo-e-athar se naakhun tak
Na mumkin thi na mumkin hai misaal-e-Sayyed-e-Alam
ہم ان کے عارض و لب کی ثنا میں کھوئے رہتے ہیں
ہمیں مصروف رکھتا ہے جمالِ سیدِ عالم
Hum un ke aariz o lab ki sana mein khoye rehte hain
Humein masroof rakhta hai jamaal-e-Sayyed-e-Alam
بہ وقتِ حاضری من زارا قبری ذہن میں گونجا
بڑا مسحور کن تھا یہ مقالِ سیدِ عالم
Ba waqt-e-haaziri man zara qabri zehan mein goonja
Bara mashoor kun tha yeh maqal-e-Sayyed-e-Alam
قلم جھکتا نہیں دروازۂ شاہانِ دنیا پر
مرا موضوع رہتا ہے خصالِ سیدِ عالم
Qalam jukta nahi darwaza-e-shahaan-e-duniya par
Mera mauzoo rehta hai khisal-e-Sayyed-e-Alam
فرشتے بڑھ کے اس کے راستے میں پر بچھاتے ہیں
جسے محبوب ہو جاتی ہے آلِ سیدِ عالم
Farishtay barh ke us ke raste mein par bichaate hain
Jise mehboob ho jaati hai aal-e-Sayyed-e-Alam
ہمارے ہونٹ بھی اشفاق سجدہ گاہِ خوشبو ہوں
اگر بوسے کو مل جائیں نعالِ سیدِ عالم
Hamare honth bhi Ashfaq sajda gaah-e-khushboo hon
Agar bose ko mil jayein naal-e-Sayyed-e-Alam
Share This Naat
Share with friends and family
مشامِ جان میں مہکا خیالِ سیدِ عالم
اشفاق احمد غوری