کتنے عالم زیرِ رحمت رحمت العالمیں
رب ہی جانے اِس کی وسعت رحمت العالمیں
Kitne aalam zr-e rehmat Rehmat al Aalameen
Rab hi jane iss ki wus'at Rehmat al Aalameen
شافعِ محشر امامِ مرسلاں محبوبِ رب
آپ ہیں آقائے عظمت رحمت العالمیں
Shaafi-e-Mahshar Imam-e-Mursalain Mahboob-e-Rab
Aap hain aaqa e azmat Rehmat al Aalameen
قیصرو کسریٰ کی شوکت ہوگئی تھی منہدم
کس قدر ہے رعبِ بعثت رحمت العالمیں
Qaisar o kisra ki shaukat ho gayee thi mundhim
Kis qadar hai raub-e-Ba'athat Rehmat al Aalameen
بس شبِ معراج کچھ ظاہر ہوئی جبریل پر
نور تیرے کی حقیقت رحمت العالمیں
Bas sab e mairaaj kuch zaahir hui Jibreel par
Noor tere ki haqeeqat Rehmat al Aalameen
نام تیرا وادیِ رحمت کا ہے حسن وجمال
ذکر ترا جامِ فرحت رحمت العالمیں
Naam tera waadi e rehmat ka hai husn o jamaal
Zikar tera jaam e farhat Rehmat al Aalameen
تجھ سے ہیں منسوب رب کی کتنی قَسمیں یا نبیؐ
ہم کو بھی ہو پاسِ نسبت رحمت العالمیں
Tujh se hain mansoob Rab ki kitni qasmain ya Nabiؐ
Hum ko bhi ho paas e nisbat Rehmat al Aalameen
ہو کرم آقاؐ شکیلؔ عاصی پہ صدقہ نعت کا
کر عطا عرفانِ مدحت رحمت العالمیں
Ho karam aaqaؐ Shakeel aasi pe sadqa Naat ka
Kar ataa Irfan e madhat Rehmat al Aalameen
Share This Naat
Share with friends and family
کتنے عالم زیرِ رحمت رحمت العالمیں
محمد شکیل نقشبندی