منظر فضائے دَہر میں سارا علی کا ہے
جس سمت دیکھتا ہوں ، نظارا علی کا ہے
Manzar faza-e-dahar mein sara Ali ka hai
Jis simt dekhta hoon, nazara Ali ka hai
دنیائے آشتی کی پھبن ، مجتبیٰ حسن
لختِ جگر نبی ؐ کا تو پیارا علی کا ہے
Dunya-e-ashti ki phaban, mujtaba Hasan
Lakht-e-jigar Nabi (ﷺ) ka to pyara Ali ka hai
ہستی کی آب و تاب ، حسین آسماں جناب
زھرا کا لال ، راج دُلارا علی کا ہے
Hasti ki aab-o-taab, Husain aasman janab
Zahra ka laal, raj dulara Ali ka hai
مرحب دو نیم ہے سرِ مقتل پڑا ہوا
اُٹھنے کا اب نہیں کہ یہ مارا علی کا ہے
Marhab do neem hai sar-e-maqtal para hua
Uthne ka ab nahin keh yeh maara Ali ka hai
اے ارضِ پاک ! تجھ کو مبارَک کہ تیرے پاس
پرچم نبی ؐ کا ، چاند ستارا علی کا ہے
Ae arz-e-pak! Tujh ko Mubarak ke tere paas
Parcham Nabi (ﷺ) ka, chaand sitara Ali ka hai
اہلِ ہوس کی لُقمہ تر پر رہی نظر
نانِ جویں پہ صرف گزارا علی کا ہے
Ahl-e-hawas ki luqma tar par rahi nazar
Nan-e-jowen pe sirf guzara Ali ka hai
تم دخل دے رہے ہو عقیدت کے باب میں
دیکھو! مُعاملہ یہ ہمارا علی کا ہے
Tum dakhal de rahe ho aqeedat ke baab mein
Dekho! Muamla yeh hamara Ali ka hai
ہم فقر مست ، چاہنے والے علی کے ہیں
دل پر ہمارے صرف اجارا علی کا ہے
Hum faqir mast, chahne wale Ali ke hain
Dil par hamare sirf ujarha Ali ka hai
آثار پڑھ کے مہدیِؑ دوراں کے یوں لگا
جیسے ظُہور وہ بھی دوبارہ علی کا ہے
Asaar parh ke Mehdi(d) e douran ke yun laga
Jaise zuhoor woh bhi dobaara Ali ka hai
دنیا میں اور کون ہے اپنا بجز علی
ہم بے کسوں کو ہے تو سہارا علی کا ہے
Dunya mein aur kaun hai apna bajuz Ali
Hum bey kaso ko hai tu sahara Ali ka hai
اصحابی کاالنُّجوم کا ارشاد بھی بجا
سب سے مگر بلند ستارہ علی کا ہے
As-haabi ka an-nujoom ka irshad bhi baja
Sab se magar buland sitara Ali ka hai
تُو کیا ہے اور کیا ہے تِرے علم کے بِساط
تجھ پہ کرم نصیؔر یہ سارا علی کا ہے
Tu kya hai aur kya hai tere ilm ke bisaat
Tujh pe karam Naseer yeh saara Ali ka hai
Share This Naat
Share with friends and family
منظر فضائے دَہر میں سارا علی کا ہے
سید نصیرالدیں نصیر