مَلوں گا خاک خط و خالِ رُخ نِکھاروں گا
دَرِ نبیؐ پہ مقدّر کے نقش اُبھاروں گا
Ma'lun ga khaak khat-o-khaal-e-rukh nikhaarun ga
Dar-e-Nabi (ﷺ) pe muqaddar ke naqsh ubhaarun ga
فضائے گنبدِ خضرا کشش کرے گی مُجھے
شکستہ پَر ہُوں مگر حوصلہ نہ ہاروں گا
Faza-e-gumbad-e-khazra kashish kare gi mujhe
Shikasta par hun magar hausla na haarun ga
یہ دشتِ طیبہ ہے اے کارواں خُدا حافظ
کہ مَیں تو اپنا کجاوہ یہیں اُتاروں گا
Yeh dasht-e-Taybah hai ae karwan Khuda Hafiz
Ke main to apna kajawah yahin utaarun ga
تمام عُمر رکھا ہے بچا بچا کے اِسے
کہ زندگی کو ترے آستاں پہ واروں گا
Tamam umr rakha hai bacha bacha ke ise
Ke zindagi ko tere aastan pe warun ga
تجلّیوں کے خزانے نبیؐ کے شہر میں ہیں
نگاہِ شوق ترے سارے قرض اُتاروں گا
Tajallion ke khazane Nabi (ﷺ) ke shehar mein hain
Nigah-e-shauq tere sare qarz utaarun ga
مَیں حرف حرف تِرا موجِ روشنی کی طرح
نظر میں دل میں خیالات میں اُتاروں گا
Main harf harf tera mauj-e-roshni ki tarah
Nazar mein dil mein khayalat mein utaarun ga
کُچھ ایسا تُجھ پہ بھروسہ ہے مَیں سرِ محشر
خُدا سے کُچھ نہ کہوں گا تُجھے پُکاروں گا
Kuch aisa tujh pe bharoosa hai main sar-e-mahshar
Khuda se kuch na kahun ga tujhe pukarun ga
مَیں زندگی تو گزاروں گا آ کے طیبہ سے
مگر سوال یہ ہے کِس طرح گزاروں گا
Main zindagi to guzarun ga aa ke Taybah se
Magar sawal ye hai kis tarah guzarun ga
جمالِ سیرتِ اقدس سے ربط ہے عاصیؔ
زمیں کو صورتِ خلدِ بریں سنّواروں گا
Jamaal-e-seerat-e-Aqdas se rabt hai Aasi
Zameen ko soorat-e-Khald-e-bareen sanwarun ga
Share This Naat
Share with friends and family
مَلوں گا خاک خط و خالِ رُخ نِکھاروں گا
عاصی کرنالی