میں مرشد دا پلا پھڑیا سر توں بہہ گئے میرے بھار بڑے
اک میرے اس یار دے صدقے بن گئے میرے یار بڑے
Main murshid da pala phariya sar tu bah gai mere bhar bare
Ik mere is yaar de sadqe ban gaye mere yaar bade
کے نہیں تیرے درد ونڈانے کے نہیں پچھنا حال تیرا
یار دے غم نوں سینے لا لے پھیر تیرے غم خوار بڑے
Ke nahi tere dard wanda ne ke nahi puchhna haal tera
Yaar de gham nu seene la le pher tere gham khwar bade
میں مانگت ہاں تیرے کرم دا میں نہیں ہور کسے وی کم دا
تیری ذات تے اللہ جانے مان مینوں سرکار بڑے
Main mangat haan tere karam da main nahi hor kise vi kam da
Teri zaat te Allah jaane maan mainu sarkar bade
ساڈیاں عیباں دل نہ جاویں اپنے کرم دا خیر چا پاویں
تیری آس تے ٹردے پھردے میں جینے او گنہگار بڑے
Saadiyan eeban dil na jaawin apne karam da khair cha paawin
Teri aas te turde phirde main jeene o gunahgaar bade
جے سر کار دی ہووے مرضی پھر مدینے جاواں میں وی
ہو جاوے جے نظر کرم دی جا پہنچاں دربار بڑے
Je sarkar di howe marzi pher Madine jawaan main vi
Ho jaave je nazar karam di ja punchaan darbaar bade
دیکھیں اپنا آپ بچاویں سنبھل سنبھل کے قدم ٹکاویں
عشق دی راه وچہ قدم قدم تے ہو جاندے نے وار بڑے
Dekhan apna aap bachawein sanbhal sanbhal ke qadam tkaawin
Ishq di raah vich qadam qadam te ho jaande ne waar bade
خبر ے نظراں نال پلا کے کی کر چھڈیا ساقی نے
چار چوفیرے ہو حق کر دے پھر دے نے میخوار بڑے
Khabar e nazraan nal pila ke ki kar chhadia saqi ne
Chaar chofire ho haq kar de phir de ne maikhwar bade
بھر لئو جھولیاں اوگنہارو رب دی رحمت نال تسیں
پشلی راتیں کھل جاندے نے رحمت دے بازار بڑے
Bhar leo jhooliyan ogunaharo Rab di rehmat nal tusein
Pishli ratein khul jaande ne rehmat de bazaar bade
بن گئی مری بات نیازی ہو گیا میرا مرشد راضی
پالیا یار تھیں پیار جدوں دایں سنگ کر دے پیار بڑے
Ban gayi meri baat Niazi ho gaya mera murshid raazi
Paliya yaar thon pyaar jado daine sang kar de pyaar bade
Share This Naat
Share with friends and family
میں مرشد دا پلا پھڑیا سر توں بہہ گئے میرے بھار بڑے
عبدالستار نیازی