میں کیسے عالِم اشیا سے ماورا سمجھوں
جو تیری آنکھ نے دیکھا اُسے خُدا سمجھوں
Main kaise alim-e-ashia se mawara samjhoon
Jo teri aankh ne dekha use khuda samjhoon
جُدا جُدا ہے زمانے میں ہر بشر کا خمیر
میں ہر بشر کو بھلا کیسے ایک سا سمجھوں
Juda juda hai zamane mein har bashar ka khamir
Main har bashar ko bhala kaise aik sa samjhoon
جو شخص عظمتِ آدم سے بے خبر ہے ابھی
میں کیسے اس کو رسالت کا آشنا سمجھوں
Jo shakhs azmat-e-adam se be-khabar hai abhi
Main kaise us ko risalat ka ashnar samjhoon
رقم ہے وقت کے سینے پہ حرف حرف ترا
اس انتہا کو بھی میں تری ابتدا سمجھوں
Raqam hai waqt ke seene pe harf harf tera
Is inteha ko bhi main teri ibtida samjhoon
کرن کرن تری طلعت چمن چمن خوشبو
مری مجال کہاں تیری ہر ادا سمجھوں
Kiran kiran teri talat chaman chaman khushbu
Meri majal kahan teri har ada samjhoon
نہ پا سکوں نہ کبھی چھو سکوں نہ دیکھ سکوں
میں سوچ بھی نہیں سکتا تجھے خدا سمجھوں
Na paa sakoon na kabhi choo sakoon na dekh sakoon
Main soch bhi nahi sakta tujhe khuda samjhoon
ہوا ہے اب مجھے احساس کم نگاہی کا
زمیں پہ دیکھوں تجھے اور ماورا سمجھوں
Hua hai ab mujhe ehsas-e-kam nigahi ka
Zameen pe dekhun tujhe aur mawara samjhoon
یہ شرک کیسے گوارا کروں کہ تیرے سوا
کسی کو بحرِ مصیبت میں نا خدا سمجھوں
Yeh shirk kaise gawara karoon ke tere siwa
Kisi ko bahr-e-museebat mein na khuda samjhoon
میں تیرے در کا گدا ہوں یہ میرے بس میں نہیں
کہ خود کو اور کسی شاہ کا گدا سمجھوں
Main tere dar ka gada hoon yeh mere bas mein nahin
Ke khud ko aur kisi shah ka gada samjhoon
وہ خار ہوں کہ بہاروں سے بات بھی نہ کروں
وہ دشت ہوں کی تیری زلف کو گھٹا سمجھوں
Woh khaar hoon ke baharon se baat bhi na karoon
Woh dasht hoon ki teri zulaf ko ghata samjhoon
پکار ہے سرِ افلاک میرے نغموں کی
میں اپنے آپ کو کیوں سازِ بے صدا سمجھوں
Pukaar hai sar-e-aflaak mere nagmon ki
Main apne aap ko kyun saaz-e-be-sada samjhoon
مری حیات کا ہر لمحہ تیرے نام ہُوا
تجھی کو اپنی دعا ، اپنا مدّعا سمجھوں
Meri hayat ka har lamha tere naam hua
Tujhi ko apni dua, apna mad‘ua samjhoon
بس ایک بزمِ درود سلام ہے اعظؔم
جہاں خدا کو بھی میں اپنا ھمنوا سمجھوں
Bas aik bazm-e-darood salam hai Aazam
Jahan khuda ko bhi main apna humnawa samjhoon
Share This Naat
Share with friends and family
میں کیسے عالِم اشیا سے ماورا سمجھوں
محمد اعظم چشتی