ہے دعا میری مدینے کا سفر ہو جائے
ہجر کی رات کٹے اور سحر ہو جائے
Hai dua meri madine ka safar ho jaye
Hijr ki raat kate aur sehar ho jaye
کاش آ جائیں وہ گھڑیاں کہ بلا لیں آقا
زندگی آپ کی چوکھٹ پہ بسر ہو جائے
Kaash aa jayein woh ghaRiyan ke bula lein aaqa
Zindagi aap ki chokhat pe basar ho jaye
فرطِ جذبات سے چوموں وہ سنہری جالی
میری قسمت میں بھی یہ لمحہ اگر ہو جائے
Farat-e-jazbaat se choomun woh sunehri jaali
Meri qismat mein bhi ye lamha agar ho jaye
جس گھڑی پیش کروں ان کو درود اور سلام
اس گھڑی ناز پہ ان کی بھی نظر ہو جائے
Jis ghaRi paish karun unko darood aur salaam
Us ghaRi naz pe unki bhi nazar ho jaye
عمر بھر کرتی رہوں شاہِ دو عالم کی ثنا
میرا ہر شعر درِ شہ پہ امر ہو جائے
Umar bhar karti raho'n shah-e-do-aalam ki sana
Mera har she'r dar-e-shah pe umar ho jaye
ہے تمنا یہ کہ مقبول ہو مدحت جو کروں
میرے اشعار میں اتنا تو اثر ہو جائے
Hai tamanna ye ke maqbool ho mad'hat jo karun
Mere ashaar mein itna to asar ho jaye
ناز ہو جائے غلامی کی جو نسبت اُن سے
سجدۂ شکر کے قابل مرا سر ہو جائے
Naz ho jaye ghulami ki jo nisbat un se
Sajda-e-shukr ke qabil mera sar ho jaye
Share This Naat
Share with friends and family
ہے دعا میری مدینے کا سفر ہو جائے
صفیہ ناز