میں جو درِ رسول پہ ہو کر خِجَل گیا
گریہ کناں ہوا تو مرا کام چل گیا
Main jo dar-e-Rasool pe ho kar Khijal gaya
Giryah kan'an hua to mera kaam chal gaya
کانٹا جو خوفِ حشر کا میرے جگر میں تھا
اُن کا کرم ہوا کہ جگر سے نکل گیا
Kaanta jo khauf-e-Hashr ka mere jigar mein tha
Unka karam hua ke jigar se nikal gaya
سوز و گُدازِ عشق بھی وافر تھا اِس قدر
’’شاید جگر حرارتِ عشقی سے جل گیا‘‘
Soz-o-gudaaz-e-ishq bhi waafir tha is qadar
"Shayad jigar hararat-e-ishqi se jal gaya"
مُشکل پڑی تو آپ ﷺ نے فوراً کرم کیا
تھاما جو میرا ہاتھ ، میں گر کر سنبھل گیا
Mushkil pari to aap ﷺ ne foran karam kiya
Thama jo mera haath, main gir kar sambhal gaya
دشمن تھا جو حضور کا کل تک ، وہی عمرؓ
بس اک نگاہِ ناز سے، یکسر بدل گیا
Dushman tha jo Huzoor ka kal tak, wohi Umarؓ
Bas ek nigah-e-naaz se, yaksar badal gaya
لب پر درودِ پاک کے آنے کی دیر تھی
طوفان رنج و غم کا تھا، لمحوں میں ٹل گیا
Lab par durood-e-paak ke aane ki der thi
Toofan ranj-o-gham ka tha, lamhon mein tal gaya
عشقِ نبی نے آگ لگائی ہے وہ جلیل
عِصیاں کا اِک پہاڑ تھا ، پل میں پگھل گیا
Ishq-e-Nabi ne aag lagaayi hai woh Jaleel
Isyaan ka ik pahaar tha, pal mein pighal gaya
Share This Naat
Share with friends and family
میں جو درِ رسول پہ ہو کر خِجَل گیا
حافظ عبدالجلیل