خود جو لکھّوں تو یہی حسبِ طبیعت لکھّوں
اپنی قسمت میں مدینے کی زیارت لکھّوں
Khud jo likhkhun to yahi hasb-e-tabiyat likhkhun
Apni qismat mein Madine ki zyarat likhkhun
زندگی گزری ہے بے فیض سخن سازی میں
اب جو لکھوں تو فقط آپؐ کی مدحت لکّھوں
Zindagi guzri hai be faize sukhan sazi mein
Ab jo likhun to faqat aapؐ ki madah likhkhun
عمر بھر بس اسی عالم میں رہیں دست و دہن
آپؐ کا ذکر کروں آپؐ کی سیرت لکھّوں
Umar bhar bas isi alam mein rahe dast o dahan
Aapؐ ka zikr karun aapؐ ki seerat likhkhun
آپؐ محبُوب خلائق ہیں خدا آپؐ کا ہے
اور کیا اس کے سوا آپؐ کی نسبت لکھّوں
Aapؐ mehboob khalayeq hain Khuda aapؐ ka hai
Aur kya is ke siwa aapؐ ki nisbat likhkhun
آپؐ کے سامنے ہے نامۂ اعمال مرا
کس طرح خُود کو سزاوارِ شفاعت لکھّوں
Aapؐ ke samne hai nama-e-aamaal mera
Kis tarah khud ko sazawar-e-shafaat likhkhun
پے بہ پے حکم عدولی پر بہا کر آنسو
آپؐ کے خُلق کو بخشش کی ضمانت لکھّوں
Pai ba pai hukam aduli par baha kar aansu
Aapؐ ke khulk ko bakhshish ki zamaanat likhkhun
بسکہ معیارِ سخاوت ہے اُنہیںؐ سے قائم
سب سخی کہتے ہیں اُن کو میں سخاوت لکھّوں
Bas keh miyar-e-sakhawat hai unheinؐ se qayam
Sab sakhi kehte hain un ko mein sakhawat likhkhun
جس کو جو کچھ بھی ملا اُنؐ کے ہی صدقے میں ملا
اُنؐ کے دَر کو بھی خدا کا درِ دولت لکھّوں
Jis ko jo kuch bhi mila unؐ ke hi sadqe mein mila
Unؐ ke dar ko bhi Khuda ka dar-e-daulat likhkhun
مشعلِ نُور ہے وؐہ ذات یہ سب جانتے ہیں
میں تو اُس نام کو بھی شمعِ ہدایت لکھّوں
Mashal-e-noor hai wohؐ zaat yeh sab jaante hain
Mein to us naam ko bhi shama-e-hidayat likhkhun
Share This Naat
Share with friends and family
خود جو لکھّوں تو یہی حسبِ طبیعت لکھّوں
حنیف اسعدی