میں چلتا ہوں جو سر اپنا اُٹھا کے
کرم مجھ پر ہیں میرے مصطفیٰ کے
Main chalta hoon jo sar apna uthaa ke
Karam mujh par hain mere Mustafa ke
اُسی جلوے میں گُم ہوں میں اگرچہ
وہ اوجھل ہو گیا جلوہ دکھا کے
Usi jalwe mein gum hoon main agarche
Wo ojhal ho gaya jalwa dikha ke
اِنہی سے تو ہوا روشن زمانہ
یہ جلوے ہیں حبیبِ کبریا ﷺ کے
Inhi se to hua roshan zamana
Ye jalwe hain Habeeb-e-Kibriya ﷺ ke
اِسی اُمید پر جیتا ہوں آقا ﷺ
نوازیں گے مدینے میں بُلا کے
Isi umeed par jeeta hoon aaqa ﷺ
Nawazain ge Madine mein bula ke
ہے خوش بختی کہ رہتے ہیں لبوں پر
ہمیشہ زمزمے صلِ علٰی کے
Hai khush bakhti ke rehte hain labon par
Hamesha zamzme ṣallal Lahu 'alayh-e-wasallam ke
پریشانی وہیں پر ختم ہوگی
پہنچ جائیں گے جب نیچے لِوا کے
Pareshani wahiin par khatam hogi
Pahunch jaayenge jab neeche liwa ke
زمانہ کیا مجھے سمجھا ہے تنہا ؟
نہیں ! میں سائے میں ہوں مصطفیٰ کے
Zamana kya mujhe samjha hai tanha?
Nahiin! Main saaye mein hoon Mustafa ke
مرا نوکر ہے مولا ! در گزر کر
کہیں وہ کاش ایسا مُسکرا کے
Mera naukar hai moula! dar guzar kar
Kahiin wo kash aisa muskra ke
رہا حق لب پہ دورِ پر فتن میں
مقلد ہیں شہیدِ کربلا کے
Raha haq lab pe dor-e-par fitn mein
Muqallid hain Shaheed-e-Karbala ke
علمدارِ وفا کا نام آیا
ہوئے جب تذکرے اہلِ وفا کے
Alamdar-e-Wafa ka naam aaya
Hue jab tazkere Ahl-e-Wafa ke
جلیل اپنا عقیدہ تو یہی ہے
خُدا دیتا ہے صدقے مصطفیٰ ﷺ کے
Jaleel apna aqeeda to yehi hai
Khuda deta hai sadqe Mustafa ﷺ ke
Share This Naat
Share with friends and family
میں چلتا ہوں جو سر اپنا اُٹھا کے
حافظ عبدالجلیل