عظمتِ تاریخِ انساں ہے عرب کی سرزمیں
جس کا سینہ خواب گاہِ رحمت اللعالمیں
Azmat-e-tareekh-e-insaan hai Arab ki sarzameen
Jis ka seenah khwab gah-e-Rahmat ul lil aalameen
جس کے مستوں نے رکھا اوجِ ثریا پر قدم
جس کے کملی پوش کی اِک جست میں عرشِ بریں
Jis ke masto ne rakha awj-e-surayya par qadam
Jis ke kamli posh ki ik jast me arsh-e-bareen
جس کے اُمّی نے عطا کی سارے عالم کو زباں
فلسفہ ، شعر و سخں ، فکر و نظر ، دنیا و دیں
Jis ke ummi ne ata ki sare aalam ko zuban
Falsafa, sher o sukhan, fikr o nazar, duniya o deen
جس نے دنیائے تمدن کے سجائے بام و در
ڈال دی تہذیب کے سر پر رِدائے دل نشیں
Jis ne duniya-e-tamaddun ke sajae baam o dar
Daal di tahzeeb ke sar par ridhae dil nasheen
جس کے پہلو میں ہے وہ آرامِ جاں راحت پذیر
جس نے بخشا ہم گنہ گارانِ اُمت کو یقیں
Jis ke pehlu me hai woh aaram-e-jaan rahat pazeer
Jis ne bakhsha hum guneh garaan-e-ummat ko yaqeen
روضۂ شیرِ خدا ، خیبر شکن ، حضرت علی
گفتنی نَصْرٌ مِنَ اللہ، معنئ فتحِ مبیں
Rozah-e-sher-e-Khuda, khebar shikan, Hazrat Ali
Guftani nasrum minallah, maenae fatah-e-mubeen
وہ حسین ابنِ علی ، نورِ نگاہِ فاطمہ
جن کے نانا کی شفاعت ، ہے امیدِ مذنبیں
Woh Hussain ibn-e-Ali, noor-e-nigaah-e-Fatima
Jin ke naana ki shafaat, hai umeed-e-muznibeen
کربلا کے ریگ زاروں کو شرف جس نے دیا
راحتِ تسکینِ قلبِ رحمت اللعالمیں
Karbala ke reg zaaron ko sharaf jis ne diya
Rahat-e-taskin-e-qalb-e-Rahmat ul lil aalameen
حضرتِ معروف کرخی کی ہے جو آرام گاہ
اور جنید با ولایت ، شہسوارِ عارفیں
Hazrat-e-Maruf Karakhi ki hai jo aaram gah
Aur Junaid ba wilayat, shehsawar-e-aarifeen
چپّہ چپّہ منبر و محرابِ مسجد کی طرح
بو حنیفہ حضرتِ نعمان بن ثابت یہیں
Chappah chappah minbar o mehrab-e-masjid ki tarah
Bu Hanifa Hazrat-e-Noman bin Sabit yahin
وہ نجف ہو ، کوفہ و بصرہ ہو ، یا بغداد ہو
وہ حرم ہو ، قدُس ہو یا نینوا کی سرزمیں
Woh Najaf ho, Kufa o Basra ho, ya Baghdad ho
Woh Haram ho, Quds ho ya Nainawa ki sarzamen
وہ کہ جن کے زیرِ پا، خم گردن ِ کُل اولیاء
وہ محی الدین وہ بغداد کی روشن جبیں
Woh ke jin ke zer-e-pa, kham gardan-e-kul auliya
Woh Mohiuddin woh Baghdad ki roshan jabeen
وہ عرب جس کے مقدس کوچہ و بازار میں
خونِ مسلم سے ہوئی جاتی ہے پھر رنگیں زمیں
Woh Arab jis ke muqaddas koocha o bazar mein
Khoon-e-Muslim se hui jaati hai phir rangeen zameen
اس کی جانب بد نظر ہیں پھر غنیم ِ نامراد
خوگرِ حیوانیت ، تا تاریوں کے جانشیں
Is ki jaanib bad nazar hain phir ghaneem-e-na murad
Khoogar-e-haywaniyat, Tatarion ke janisheen
یہ درندے ، بھیڑیئے ، بدروح ، ظالم بو الہوس
قبلۂ اوّل کے غاصب ، دشمنِ دُنیا و دیں
Yeh darinde, bheriaye, badrooh, zalim bo-al-hawas
Qibla-e-awwal ke ghasib, dushman-e-duniya o deen
جن کے ہاتھوں ہر جگہ ننگی ہوئی انسانیت
ویت نام و کوریا و شرقِ اوسط کی زمیں
Jin ke haathon har jagah nangi hui insaniyat
Vietnam o Korea o Sharq-e-Ausat ki zameen
کبر و نخوت اور طاقت کے نشہ میں چُور چُور
عسکری قوت پہ نازاں ، ابرہہ کے جانشیں
Kibber o nakhut aur taqat ke nasha me choor choor
Askeri quwat pe nazaan, Abraha ke janisheen
ہر ڈکیتی میں برابر کے یہ حصہ دار ہیں
کوریا، جاپان یا وہ جرمنی کی ہو زمیں
Har dacoity mein barabar ke yeh hissa daar hain
Korea, Japan ya woh Germany ki ho zameen
پاؤں رکھنے کو ملائک اِذن لیں اللہ سے
رب قسم قرآں میں کھائے ایسے رُتبہ کی زمیں
Paon rakhne ko malaik izan lein Allah se
Rab qasam Qur'an mein khai aise rutba ki zameen
روند ڈالا مشرکوں نے پی کے انگوری شراب
ساتھ جن کے آئی ہیں مغرب کی پروردہ حسیں
Rond dala mushrikon ne pi ke anguri sharab
Saath jin ke aayi hain maghrib ki parwarda haseen
جب لبِ بام ہوگیا ان کی معیشت کا نظام
تخت پر غارت گری کے ہو گئے مسند نشیں
Jab lab-e-bam ho gaya in ki ma'eeshat ka nizaam
Takht par ghaarad garay ke ho gaye masnad nasheen
دوستی کے پھول لے کر آئے آتش دان میں
ایلچی نمرود کے ، بارود کے تاجر حسیں
Dosti ke phool le kar aaye aatish daan mein
Elchi Nimrod ke, barood ke tajir haseen
جس زمیں پر حق نے برسائی ہے رحمت رات دن
کر رہے ہیں اس پہ اب یہ لوگ بارشِ آتشْیں
Jis zameen par Haq ne barsai hai rahmat raat din
Kar rahe hain is pe ab yeh log baarish-e-aatashin
لوگ دیتے ہیں انہی کو بدعا ، جی بھر کے خوب
آدمیت کا جنازہ جب بھی اُٹھتا ہے کہیں
Log dete hain inhi ko baddua, ji bhar ke khoob
Adamiyat ka janaza jab bhi uthta hai kahin
سوچ کر انجام اپنی حسرت ناپاک کا
کوچۂ بغداد کی جانب قدم بڑھتے نہیں
Soch kar anjam apni hasrat na-paak ka
Koochah-e-Baghdad ki jaanib qadam barhte nahin
انکا تکیہ پیٹریاٹ و لیزر و روبوٹ پر
جانتے ہیں خود گئے تو واپسی ممکن نہیں
Inka tekiya Patriot o Laser o Robot par
Jante hain khud gaye to wapsi mumkin nahin
یہ سمجھتے ہیں کہ ہم فاتح بنیں گے جس طرح
لی ہے " پینٹا گون " نے قبضہ میں خبروں کی زمیں
Yeh samajhte hain ke hum fatah banenge jis tarah
Li hai "Pentagon" ne qabza mein khabron ki zameen
جرنلزم قید میں ان کی پیاسا ، بند ہے
اپنے قیدی کے لیے سر پر اُٹھائے ہیں زمیں
Journalism qaid mein in ki pyaasa, band hai
Apne qaidi ke liye sar par uthaye hain zameen
دشمنِ دیں ایک مر کز پر جمع ہیں اے ادیبؔ
غیرتِ مسلم کہاں جا کر ہوئی گوشہ نشیں
Dushman-e-deen ek markaz par jama hain ae Adeeb
Ghairat-e-Muslim kahan ja kar hui goshah nasheen
Share This Naat
Share with friends and family
عظمتِ تاریخِ انساں ہے عرب کی سرزمیں
حضرت ادیب رائے پوری