میں اکیلا کھڑا ہوں کڑی دُھوپ میں، اپنی رحمت کی چادر عطا کیجئے
آپؐ سے میں نے مانگا ہے قطرہ مگر، آپؐ مجھ کو سمندر عطا کیجئے
Main akela khada hoon kadi dhoop mein, apni rehmat ki chadar ata kijiye
Aap (SAW) se maine manga hai qatra magar, aap (SAW) mujh ko samandar ata kijiye
میری ساری فضا جگمگاتی رہے، میرے دِل کی دُعا مسکراتی رہے
میرے یخ بستہ ہونٹو ں کو بہر خدا، ایسا حرفِ منّور عطا کیجئے
Meri saari faza jagmagati rahe, mere dil ki dua muskurati rahe
Mere yakh basta honton ko behar khuda, aisa harf-e-munawwar ata kijiye
ہر طرف نُور پھیلا ہوا دیکھ لُوں، اپنی آنکھوں سے غارِ حرا دیکھ لُوں
میری رہ دیکھتی اِن نگاہوں کو بھی، سبز گنبد کا منظر عطا کیجئے
Har taraf noor phaila hua dekh loon, apni aankhon se ghar-e-hira dekh loon
Meri raah dekhti in nigahon ko bhi, sabz gunbad ka manzar ata kijiye
آپؐ کا جسم ہے اور سایہ نہیں، آپؐ جیسا کبھی کوئی آیا نہیں
آپؐ کے در پہ جھکتا رہے جو سدا، میرے شانوں کو وہ سر عطا کیجئے
Aap (SAW) ka jism hai aur saya nahin, aap (SAW) jaisa kabhi koi aaya nahin
Aap (SAW) ke dar pe jhukta rahe jo sada, mere shanon ko woh sar ata kijiye
ایک پتھر کی صورت پڑا ہوں یہاں، جانا چاہوں مگر جا نہ پاؤں وہاں
میں مدینے میں اڑتا پھروں ہر طرف، اُڑنے والے مجھے پر عطا کیجئے
Ek patthar ki surat pada hoon yahan, jana chahoon magar ja na paaon wahan
Main Madine mein urta phiroon har taraf, urne wale mujhe par ata kijiye
میری آنکھوں سے دریا ٹپکتا رہے، آپؐ کی یاد سے دل مہکتا رہے
حوضِ کوثر سے پہلے مجھے یانبیؐ ! آپؐ اِک حوضِ کوثر عطا کیجئے
Meri aankhon se dariya tapakta rahe, aap (SAW) ki yaad se dil mehkta rahe
Haud-e-kauthar se pehle mujhe ya Nabi (SAW) ! aap (SAW) ek haud-e-kauthar ata kijiye
مَیں سُوالی بہت بے سلیقہ سہی، آدمی کم نظر بے طریقہ سہی
مَیں نے مانگا ہے کمتر تو پھر کیا ہوا، یانبیؐ! آپؐ بہتر عطا کیجئے
Main suwali bohot be saleeqa sahi, aadmi kam nazar be tareeqa sahi
Main ne manga hai kamtar to phir kya hua, ya Nabi (SAW)! aap (SAW) behtar ata kijiye
آپؐ کے نام پر جو لُٹا بھی سکے، آپؐ کے نام پر جو گرا بھی سکے
آسماں کی طرح جو کُشادہ بھی ہو، اپنے انجؔم کو وہ گھر عطا کیجئے
Aap (SAW) ke naam par jo luta bhi sake, aap (SAW) ke naam par jo gira bhi sake
Aasman ki tarah jo kushada bhi ho, apne Anjum ko woh ghar ata kijiye
Share This Naat
Share with friends and family
میں اکیلا کھڑا ہوں کڑی دُھوپ میں
انجم نیازی