مہک میں رب نے بسائے ،رسول کے گیسو
کہ مشک و گل کو ہیں بھائے، رسول کے گیسو
Mehak mein Rab ne basaye, Rasul ke gesu
Ke mushk o gul ko hain bhaye, Rasul ke gesu
عیاں ہے جمعِ نقیضینِ روز و شب کا سماں
”رُخِ رسول پہ آئے، رسول کے گیسو“
Ayaan hai jam'e naqezeen e roz o shab ka samaan
"Rukh e Rasul pe aaye, Rasul ke gesu"
سَحابِ رحمتِ رَبِّ قدیر کی صورت
تمام خلق پہ چھائے، رسول کے گیسو
Sahab e rehmat e Rabbe qadeer ki soorat
Tamam khalq pe chhaye, Rasul ke gesu
گھٹا کہوں کہ شبِ تار ، تم کو ، حیراں ہوں
ہیں گنگ سارے کِنائے، رسول کے گیسو !
Ghatta kahun ke shab e taar, tum ko, hairaan hoon
Hain gang saare kinaaye, Rasul ke gesu!
اسے ڈَسا نہیں پھر مارِ رنج و غم نے کبھی
ہیں جس کے ہاتھ میں آئے، رسول کے گیسو
Use dassa nahi phir maar e ranj o gham ne kabhi
Hain jis ke haath mein aaye, Rasul ke gesu
بندھا ہے تارِ رگِ جانِ عالَمیں ان سے
کنڈل جبھی ہیں بنائے، رسول کے گیسو
Bandha hai taar e rag e jaan e 'alamein in se
Kundal jabhi hain banaye, Rasul ke gesu
انہیں نہ مارِ سِیَہ کہہ ! کہ ہے ادب کے خلاف
اگرچہ شانوں پہ آئے، رسول کے گیسو
Inhein na maar e siyah keh! ke hai adab ke khilaf
Agar che shanon pe aaye, Rasul ke gesu
اسے ستائے نہ خورشید حشر کی گرمی
تمہارے جس پہ ہوں سائے، رسول کے گیسو !
Use sataye na khursheed e hashr ki garmi
Tumhare jis pe hon saaye, Rasul ke gesu!
دُھلے گی پل میں معظمؔ سیاہی عِصیاں کی
اگر برسنے پہ آئے ، رسول کے گیسو
Dhulegi pal mein Muazzam siyahi e isyaan ki
Agar barasne pe aaye, Rasul ke gesu
Share This Naat
Share with friends and family
مہک میں رب نے بسائے رسول کے گیسو
معظم سدا معظم مدنی