انوار محمد عربی دے جد جلوہ گر ہو جاندے نیں
جو ذرے راہ وچ اوندے نے سب رشک قمر ہو جاندے نیں
Anwar-e-Ahmad Arabi de jad jalwa gar ho jandey ne
Jo zarrey raah vich onde ne sab rashk-e-qamar ho jandey ne
پئے جاندی رات جاں رُخ اُتے زُلف والیل دی لٹ آوے
جد زُلف اوہ چُکدے مکھڑے توں آثار سحر ہو جاندے نیں
Paye jandi raat jaan rukh ute zulf walayl di latt aave
Jad zulf oh chukde mukhre toon aasaar-e-sehar ho jandey ne
کی دساں کی کُجھ ہو جاندا ہو جاندی نظر جد سوہنے دی
بت خانے قبلے بن جاندے بہت زیر و زبر ہو جاندے نیں
Ki dassan ki kujh ho janda ho jandi nazar jad sohne di
But khanay qiblay ban jande bohat zer-o-zabar ho jandey ne
محبوب میرے دے قدماں دے تھلے جو مٹی آجاندی
اوہ مٹی سونا بن جاندی اوہ ذرے زر ہو جاندے نیں
Mehboob mere de kadman de thale jo mitti aajandi
Oh mitti sona ban jandi oh zarre zar ho jandey ne
اوہناں دا اشارا جد ہو وے چن ٹپٹ دا سورج مُڑدا اے
سر نیویں خدمت و چ حاضر اُکھڑ کے شجر ہو جاندے نیں
Ohna da ishara jad ho we chan tapat da sooraj murda ae
Sar newen khidmat vich hazir ukhar ke shajar ho jandey ne
کیوں ڈردا ایں صائم زخماں توں چلن دے نشتر سینے تے
تد پھیرا پوے طبیباں دا جد چاک جگر ہو جاندے نے
Kion darda ae Saima zakhman toon chalan de nashter seenay te
Tad phera pay tibiban da jad chaak jigar ho jandey ne
Share This Naat
Share with friends and family
انوار محمد عربی دے جد جلوہ گر ہو جاندے نیں
علامہ صائم چشتی