اُمنگیں جوش پر آئیں اِرادے گدگداتے ہیں
جمیلِ قادری شاید حبیبِ حق بلاتے ہیں
Umngen josh par aain irade gadgadate hain
Jamil-E-Qadri shayad habib-E-Haq bulate hain
جگا دیتے ہیں قسمت چاہتے ہیں جس کی دَم بھر میں
وہ جس کو چاہتے ہیں اپنے روضے پر بلاتے ہیں
Jaga dete hain qismat chahte hain jis ki dam bhar mein
Woh jis ko chahte hain apne rozay par bulate hain
انہیں مل جاتا ہے گویا وہ سایہ عرشِ اعظم کا
تری دیوار کے سایہ میں جو بستر جماتے ہیں
Unhen mil jata hai goya woh saya arsh-E-Azam ka
Teri deewar ke saya mein jo bistar jamate hain
مقدر اس کو کہتے ہیں فرشتے عرش سے آکر
غبارِ فرشِ طیبہ اپنی آنکھوں میں لگاتے ہیں
Muqaddar us ko kehte hain farishte arsh se aakar
Ghubar-E-Farsh-E-Taybah apni aankhon mein lagate hain
خدا جانے کہ طیبہ کو ہمارا کب سفر ہوگا
مَدینے کو ہزاروں قافلے ہر سال جاتے ہیں
Khuda jane ke Taybah ko hamara kab safar hoga
Madinay ko hazaron qaflay har saal jate hain
شہِ طیبہ یہ قوت ہے ترے دَر کے گداؤں میں
جلا دیتے ہیں مردوں کو وہ جس دم لب ہلاتے ہیں
Shah-E-Taybah yeh quwat hai tere dar ke gadaon mein
Jala dete hain mardon ko woh jis dam lab hulate hain
مرے مولیٰ یہ قوت ہے ترے دَر کے گداؤں میں
وہ جس کو چاہتے ہیں شاہ دَم بھر میں بناتے ہیں
Mere Maula yeh quwat hai tere dar ke gadaon mein
Woh jis ko chahte hain Shah dam bhar mein banate hain
مَدینے کی طلب میں جو نہیں لیتے ہیں جنت کو
انہیں تشریف لا کر حضرت رضواں مناتے ہیں
Madinay ki talab mein jo nahin lete hain jannat ko
Unhen tashrif la kar Hazrat Rizwan manate hain
تصدق جانِ عالم اس کریمی اور رحیمی کے
گنہ کرتے ہیں ہم وہ اپنی رحمت سے چھپاتے ہیں
Tasaduq jan-E-Alam us karimi aur rahimi ke
Guneh karte hain hum woh apni rehmat se chupate hain
وَہابی قادیانی گاندھوی و نیچری سب کی
خبر لینا یہ ہر دَم اہلسنّت کو ستاتے ہیں
Wahabi Qadiani Gandhvi o Nichri sab ki
Khabar lena yeh har dam Ahl-E-Sunnat ko satate hain
جمیلؔ قادری کو دیکھ کر حوروں میں غل ہوگا
یہی ہیں وہ کہ جو نعتِ حبیبِ حق سناتے ہیں
Jamil Qadri ko dekh kar hooron mein ghal hoga
Yahi hain woh ke jo naat-E-Habib-E-Haq sunate hain
Share This Naat
Share with friends and family
اُمنگیں جوش پر آئیں اِرادے گدگداتے ہیں
جمیل الرحمن قادری