مدینے والیا کر دے عطاواں
تے کر دے دور نالے سب بلاواں
Madine waliya kar de atawan
Te kar de door nalay sab bilawan
مدینے والیا مینوں وکھا دے
توں شہر اپنے دیاں ہن تے فضاواں
Madine waliya mainu wika de
Toon shehar apne diyan han te fizawan
کرم کر کالیاں زلفاں دا صدقہ
غماں دیاں آگئیاں چڑھ کے گھٹاواں
Karam kar kaliyan zulfaan da sadqa
Ghaman diyan aagiyan charh ke ghattaan
میں جو وی ہاں شہنشاہا ہاں تیرا
ایہہ منیاں ساری دنیا توں برا واں
Main jo vi haan shahanshaha haan tera
Eh maniyan sari duniya toon bura waan
جو تیری یاد نے میرے تے کیتے
ترے احسان اوہ کیویں بھلاواں
Jo teri yaad ne mere te keete
Tere ehsaan oh kiwain bhilawan
توں اپنے پاک بوہے دے سگاں وچ
حبيبا لکھ لَویں میرا وی ناواں
Toon apne paak boohe de sagan vich
Habiba likh lowen mera vi nawan
کرم صائم تے ہے محبوب تیرا
تیرا کھاواں تے تیرے گیت گاواں
Karam Saim te hai mahboob tera
Tera khawan te tere geet gawan
Share This Naat
Share with friends and family
مدینے والیا کر دے عطاواں
علامہ صائم چشتی