مدینہ آسرا اے بیکساں دا
مدینے وچ سہارا بے بساں دا
Madina aasra ae beksaan da
Madine wich sahara be basaan da
مدینے ولے تاں جھکدے نے عارف
مدینہ قبلہ اے کون و مکاں دا
Madine wale tan jhukkde ne aarf
Madina qibla ae kon o makaan da
نشاں ملدا مدینے پاک اندر
طلب گاراں دے تائیں بے نشاں دا
Nishan milda madine pak andar
Talab garan de taaen be nishaan da
مدینے وچ میرا محبوب رہندا
حرم بنیا مدینہ قدسیاں دا
Madine wich mera mehboob rehnda
Haram baniya madina qudsiyan da
مدینے پاک وچ آرام کردا
میرا محبوب لاڑا لامکان دا
Madine pak wich aaram karda
Mera mehboob laara laamakan da
گناہی جو وی آجاوے مدینے
اوہنوں آقا اے کملی وچ چھپاندا
Gunahi jo vi ajave madine
Ohnoon aaqa ae kamli wich chhupanda
کوئی جتھے وی صائم کھا رہیا اے
مدینے پاک دا صدقہ اے کھاندا
Koi jithe vi Sa-im kha reya ae
Madine pak da sadqa ae khanda
Share This Naat
Share with friends and family
مدینہ آسرا اے بیکساں دا
علامہ صائم چشتی