مدینے میں گلی رحمت کی ایسی پائی جاتی ہے
جہاں بارش کرم کی عرش سے برسائی جاتی ہے
Madine mein gali rehmat ki aisi pai jati hai
Jahan barish karam ki arsh se barsai jati hai
وہ میخانہ ہے طیبہ کا وہ بزمِ مئے ہے آقاؐ کی
مئے عرفانِ وحدت جس جگہ چھلکائی جاتی ہے
Wo mekhana hai Taybah ka wo bazm-e-may hai aqa ki
May irfaan-e-wahdat jis jagah chalakai jati hai
کوئی جاتا نہیں ہے لوٹ کر خالی مدینے سے
متاعِ فیض ہر اِک کو عطا فرمائی جاتی ہے
Koi jata nahi hai loot kar khaali Madine se
Mata-e-fayz har ik ko ata farmai jati hai
درِ آقاؐ ہے ایسا در جہاں کی بھیک لینے کو
بھکارن بن کے شان و شوکتِ دارائی جاتی ہے
Dar-e-aqa hai aisa dar jahan ki bheek lene ko
Bhikaran ban ke shan o shaukat-e-darai jati hai
وہ عالم ہے تجلیِ رُخِ زیبائے سرور کا
ضیائے ماہِ کنعاں دیکھ کر شرمائی جاتی ہے
Wo aalam hai tajalli-e-ruhk-e-zebaaye sarwar ka
Ziya-e-mah-e-Kan'an dekh kar sharmai jati hai
رسولِ پاک آئے جب سے آغوشِ حلیمہ میں
حلیمہ اپنے اوجِ بخت پر اترائی جاتی ہے
Rasool-e-pak aaye jab se aghosh-e-Haleema mein
Haleema apne ouj-e-bakht par utrai jati hai
نبیؐ کا دینِ حق مینائے وحدت کا ہے میخانہ
یہاں پر بادۂ توحید ہی چھلکائی جاتی ہے
Nabi ka deen-e-haq meenaaye wahdat ka hai mekhana
Yahan par badah-e-touheed hi chalakai jati hai
کرو خود کو نہ رسوا چھوڑ کر سرکار کی سُنت
جہنم کی طرف لے کر یہی رسوائی جاتی ہے
Karo khud ko na ruswa chhod kar sarkar ki sunnat
Jahannum ki taraf le kar yehi ruswai jati hai
بچایا جاتا ہے دامن غلو سے شرک و بدعت سے
گُلِ نعتِ نبیؐ سے فکر جب مہکائی جاتی ہے
Bachaya jata hai daaman ghaloo se shirk o bidat se
Gul-e-naat-e-Nabi se fikr jab mehkai jati hai
عمل سے نیک بن احسؔن اگر ہے خلد میں جانا
لیے بندوں کو باغِ خلد میں اچھائی جاتی ہے
Amal se naik ban Ahsan agar hai khuld mein jana
Liye bandon ko bagh-e-khuld mein achhai jati hai
Share This Naat
Share with friends and family
مدینے میں گلی رحمت کی ایسی پائی جاتی ہے
احسن اعظمی